అల్లు శిరీష్, శోభన్ సినిమాలు ఎందులో స్ట్రీమింగ్ కాబోతున్నాయంటే..

November 5, 2022 / 06:24 PM IST

Join Us

యంగ్ టాలెంటెడ్ యాక్టర్ సంతోష్ శోభన్, బ్యూటిఫుల్ యాక్ట్రెస్ ఫరియా అబ్దుల్లా హీరో హీరోయిన్లుగా.. మేర్లపాక గాంధీ డైరెక్ట్ చేసిన ఫన్ ఎంటర్‌టైనర్.. ‘లైక్, షేర్ & సబ్‌స్క్రైబ్’.. బ్రహ్మాజీ, సుదర్శన్, సప్తగిరి కీలకపాత్రల్లో నటించిన ఈ మూవీ నవంబర్ 4న విడుదలైంది.. ఆముక్త క్రియేషన్స్, నిహారిక ఎంటర్‌టైన్‌మెంట్ బ్యానర్లమీద వెంకట్ బోయనపల్లి నిర్మించారు. మూవీకి భారీగా ప్రమోషన్స్‌ చేసింది టీమ్.. ప్రోమోస్, సాంగ్స్ ప్రామిసింగ్‌గా అనిపించాయి కానీ మార్నింగ్ షో నుండే మౌత్ టాక్ తేడాగా వచ్చేసింది..

ప్రోమోలు చూసి ఎక్స్‌పెక్ట్ చేసినంత ఏం లేదు సినిమా అని తేల్చేశారు. దీంతో అనుకున్నదానికంటే ముందుగానే ఓటీటీలోకి వచ్చేస్తోంది.. సోనీ లివ్ ఈ మూవీ స్ట్రీమింగ్ రైట్స్ తీసుకుంది. అగ్రిమెంట్ ప్రకారం విడుదలైన నాలుగు వారాలకు స్ట్రీమింగ్ చేయాలి.. కానీ రిజల్ట్ రివర్స్ కావడంతో అగ్రిమెంట్ మార్చుకుని.. కేవలం రెండు వారాల థియేట్రికల్ రన్ తర్వాతే ‘లైక్, షేర్ & సబ్‌స్క్రైబ్’ ని ఓటీటీలో రిలీజ్ చేసేస్తున్నారు..

యంగ్ హీరో అల్లు శిరీష్, మలయాళీ ముద్దుగుమ్మ అను ఇమ్మానుయేల్ హీరో హీరోయిన్లుగా.. అల్లు అరవింద్ సమర్పణలో, రాకేష్ శశి డైరెక్షన్లో ధీరజ్ మొగిలినేని, విజయ్ కలిసి నిర్మించిన యూత్‌ఫుల్ రొమాంటిక్ ఎంటర్‌టైనర్.. ‘ఊర్వశివో రాక్షసివో’.. ఈ శుక్రవారం ప్రేక్షకుల మందుకు వచ్చిన ఈ సినిమా పాజిటివ్ టాక్ తెచ్చుకుంది.. హీరో హీరోయిన్ల కెమిస్ట్రీ, సునీల్, వెన్నెల కిషోర్ కామెడీ హైలెట్ అయ్యాయి. ఈ జనరేషన్ యూత్‌కి కంటెంట్ బాగా కనెక్టవడంతో శిరీష్ కెరీర్లో బిగ్గెస్ట్ హిట్‌గా నిలిచే అవకాశాలున్నాయని అంటున్నారు..

‘ఊర్వశివో’ రెండు ఓటీటీ ప్లాట్ ఫామ్స్‌లో స్ట్రీమింగ్ కానుంది. ముందుగా నెట్‌ఫ్లిక్స్ సంస్థ ఫ్యాన్సీ రేటుకి రైట్స్ కొనుక్కుంది. ఓన్ ఓటీటీ ఆహా కూడా స్ట్రీమింగ్ పార్ట్‌నర్ కాబట్టి.. ఆరు వారాల తర్వాత ముందుగా నెట్‌ఫ్లిక్స్‌లో ఆ తర్వాత ఆహా లో స్ట్రీమింగ్ చేసేలా అగ్రిమెంట్ చేసుకున్నారు.. ఒకవేళ కలెక్షన్స్ బాగుంటే, అగ్రిమెంట్‌లో మార్పులు చేసుకునే వీలుందో లేదో చూడాలి మరి..