మెగాస్టార్ చిరంజీవి ప్రస్తుతం వరుస సక్సెస్ ల దర్శకుడు కొరటాల శివ తో చేస్తున్న సినిమా ఆచార్య. రామ్ చరణ్, సిద్ద అనే కీలక రోల్ చేస్తున్న ఈ సినిమాలో కాజల్ అగర్వాల్, పూజా హెగ్డే హీరోయిన్స్ గా నటిస్తుండగా మెలోడీ బ్రహ్మ మణిశర్మ దీనికి సంగీతం అందిస్తున్నారు. రామ్ చరణ్, నిరంజన్ రెడ్డి కలిసి నిర్మిస్తున్న ఈ సినిమా వచ్చే ఏడాది సంక్రాంతి కానుకగా విడుదల కానున్నట్లు సమాచారం. అయితే దీని తరువాత మోహన్ రాజా దర్శకత్వంలో మెగా సూపర్ గుడ్ ఫిలిమ్స్, కొణిదెల ప్రొడక్షన్స్ సంస్థలు నిర్మించనున్న మూవీ షూట్ లో జాయిన్ కానున్నారు చిరు.
ఇటీవల మలయాళంలో మోహన్ లాల్ ప్రధాన పాత్రలో తెరకెక్కి సూపర్ హిట్ కొట్టిన లూసిఫర్ మూవీ అఫీషియల్ రీమేక్ గా తెరకెక్కనున్న ఈ సినిమా షూటింగ్ త్వరలో ప్రారంభం కానుండగా ఈ సినిమాకి థమన్ సంగీతం అందిస్తున్నారు. కాగా ఒరిజినల్ మూవీ స్టోరీ ని మన తెలుగు నేటివిటీకి తగ్గట్లుగా కొద్దిపాటి మార్పులు చేర్పులు చేసిందట యూనిట్. అయితే దీని తరువాత పవర్, జై లవకుశ, వెంకీ మామ సినిమాల దర్శకుడు బాబీ తో ఒక మూవీ, అలానే శక్తి, కంత్రి సినిమాల దర్శకుడు మెహర్ రమేష్ తో మరొక సినిమా కూడా చేయనున్నారు మెగాస్టార్ చిరంజీవి. కాగా ఈ రెండు సినిమాల తరువాత యువ దర్శకుడు మారుతీ దర్శకత్వంలో తన 156వ సినిమాని మెగాస్టార్ చేయనున్నారు అనేది లేటెస్ట్ ఫిలిం నగర్ వర్గాల టాక్.
యువి క్రియేషన్స్, కొణిదెల ప్రొడక్షన్స్ సంస్థలపై ఎంతో ప్రతిష్టాత్మకంగా నిర్మితం కానున్న ఈ సినిమాకి థమన్ సంగీతం అందించనుండగా దీని అఫీషియల్ ప్రకటన మెగాస్టార్ బర్త్ రోజున రానున్నట్లు తెలుస్తోంది. ఇటీవల సాయి ధరమ్ తేజ్ తో ప్రతిరోజు పండగే సినిమా తీసి సూపర్ హిట్ కొట్టిన మారుతీ, మెగాస్టార్ కి పెద్ద అభిమాని అనే విషయం తెలిసిందే. కాగా తనకు ఎంతో ఇష్టమైన మెగాస్టార్ తో చేయబోయే ఈ సినిమా కన్నుల విందైన పండుగ మాదిరిగా ఉంటుందని, తప్పకుండా తామిద్దరి కాంబోలో రానున్న ఈ సినిమా పెద్ద సక్సెస్ అవడం ఖాయం అని మారుతీ ఆశాభావం వ్యక్తం చేస్తున్నారట.
Most Recommended Video
నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!
