Vadde Naveen: రీఎంట్రీ ఇస్తున్న వడ్డే నవీన్.. ఆ మూవీలో?

టాలీవుడ్ ఇండస్ట్రీలో ఎంతోమంది హీరోలు ఉన్నా కొందరు హీరోలు ప్రేక్షకుల హృదయాలలో చెరిగిపోని ముద్ర వేసుకుంటారు. అలా తక్కువ సినిమాలతో మంచి పేరు సంపాదించుకున్న హీరోలలో వడ్డే నవీన్ ఒకరు. ఈ మధ్య కాలంలో సినిమాల్లో ఎక్కువగా కనిపించని వడ్డే నవీన్ రీఎంట్రీ ఇవ్వబోతున్నారని తెలుస్తోంది. తాజాగా వేణు రీఎంట్రీ ఇస్తున్నట్టు ప్రకటించగా వడ్డే నవీన్ కూడా టాప్ హీరో సినిమాకు గ్రీన్ సిగ్నల్ ఇచ్చినట్టు సమాచారం. అయితే వడ్డే నవీన్ రీఎంట్రీకి సంబంధించి అధికారిక ప్రకటన రావాల్సి ఉంది.

ఒకప్పుడు వరుస హిట్లతో దూసుకెళ్లిన వడ్డే నవీన్ కెరీర్ గాడి తప్పడం వల్ల సినిమాలకు గ్యాప్ ఇచ్చారు. కోరుకున్న ప్రియుడు సినిమాతో సినిమాల్లోకి వచ్చిన వడ్డే నవీన్ కొన్ని సినిమాలకు నిర్మాతగా కూడా పని చేశారు. ప్రముఖ టాలీవుడ్ నిర్మాతలలో ఒకరైన వడ్డే రమేష్ తనయుడు వడ్డే నవీన్ కావడం గమనార్హం. పెళ్లి మూవీతో వడ్డే నవీన్ బ్లాక్ బస్టర్ హిట్ సొంతం చేసుకున్నారు. ప్రముఖ దర్శకుడు కోడి రామకృష్ణ పెళ్లి సినిమాకు దర్శకత్వం వహించారు.

ఈ సినిమాకు రెండు అవార్డులు కూడా వచ్చినట్టు తెలుస్తోంది. ఈ సినిమాతో క్రేజీ హీరోగా మారిపోయిన వడ్డే నవీన్ చాలా బాగుంది, మా బాలాజీ, మనసిచ్చి చూడు సినిమాలతో విజయాలను అందుకున్నారు. ఆ తర్వాత వడ్డే నవీన్ నటించిన కొన్ని సినిమాలు డిజాస్టర్లు అయ్యాయి. రీఎంట్రీ మూవీలో వడ్డే నవీన్ కొత్త లుక్ లో కనిపించనున్నారని సమాచారం. వడ్డే నవీన్ రీఎంట్రీలో ఎలాంటి రిజల్ట్ ను సొంతం చేసుకుంటుందో చూడాల్సి ఉంది.

Most Recommended Video

ఇష్క్ మూవీ రివ్యూ & రేటింగ్!
తిమ్మరుసు మూవీ రివ్యూ & రేటింగ్!
‘నారప్ప’ మూవీ నుండీ అదిరిపోయే డైలాగులు..!