2020 జనవరి ఎండింగ్ నుండీ ‘వకీల్ సాబ్’ చిత్రం రెగ్యులర్ షూటింగ్ ప్రారంభమైంది. బాలీవుడ్లో సూపర్ హిట్ అయిన ‘పింక్’ చిత్రానికి ఇది రీమేక్ కావడంతో.. షూటింగ్ కూడా త్వరగా పూర్తయిపోతుందని భావించి పవన్ కళ్యాణ్ ఈ ప్రాజెక్టుకి గ్రీన్ సిగ్నల్ ఇచ్చారు. ఇలాంటి సినిమాతో పవన్ రీ ఎంట్రీ ఇవ్వడానికి రెడీ అవ్వడం అందరికీ నచ్చింది. నిజానికి 2020 సమ్మర్ కే ఈ చిత్రం విడుదలవ్వాల్సి ఉంది. కానీ కరోనా వచ్చి పవన్ ఫ్యాన్స్ ఆనందానికి బ్రేకులు వేసింది.
అప్పటికే ఈ చిత్రం షూటింగ్ 80శాతం వరకూ పూర్తయిపోయిందన్నారు. బ్యాలన్స్ షూటింగ్ కూడా ఫినిష్ చేసి దసరా కానుకగా అయినా విడుదల చేస్తారులే అని అభిమానులు భావించారు. దసరాకి సినిమా విడుదలవ్వడం పక్కన పెడితే.. దీపావళి వచ్చి వెళ్ళిపోయినా.. ఇంకా టీజర్ ను విడుదల చెయ్యలేదు చిత్ర యూనిట్ సభ్యులు. దీనికి ప్రధాన కారణం.. ‘వకీల్ సాబ్’ షూటింగ్ పార్ట్ ఇంకా పూర్తికాకపోవడమనే తెలుస్తుంది. కరోనా నిబంధనలను పాటిస్తూ షూటింగ్ ను నిర్వహించడం వలన నత్త నడక మాదిరి సాగుతుందట.
డిసెంబర్ ఎండింగ్ కు షూటింగ్ పూర్తయ్యే అవకాశం ఉంది. అయితే పోస్ట్ ప్రొడక్షన్ పనులకు మరికొంత టైం పడుతుంది.అందుకే సంక్రాంతికి ఈ చిత్రం విడుదలయ్యే అవకాశం లేదని చిత్ర యూనిట్ సభ్యులు చెబుతున్నారు.ఈ టైములో టీజర్ ను విడుదల చేస్తే కనుక.. సినిమా విడుదల గురించి ఫ్యాన్స్ మరింత రచ్చ చేస్తారని భావించి.. దర్శకనిర్మాతలు లైట్ తీసుకుంటున్నట్టు సమాచారం.
Most Recommended Video
ఆకాశం నీ హద్దు రా సినిమా రివ్యూ & రేటింగ్!
‘బిగ్ బాస్ 4’ లో ఎవరి పారితోషికం ఎంత.. ఎక్కువ ఎవరికి..?
50 కి దగ్గరవుతున్నా.. పెళ్లి గురించి పట్టించుకోని హీరొయిన్ల లిస్ట్..!
