యంగ్ టైగర్ ఎన్‌టి‌ఆర్ ప్రస్తుతం కొరటాల శివ దర్శకత్వంలో తెరకెక్కుతున్న ‘జనతా గ్యారేజ్’ చిత్రంలో నటిస్తున్నాడు. మైత్రి మూవీ మేకర్స్ పతాకం పై నిర్మిస్తున్న ఈ చిత్రంలో ఎన్‌టి‌ఆర్ సరసన సమంత, నిత్యా మీనన్ లు జంటగా నటిస్తున్నారు. ఈ చిత్రం తరువాత రచయిత వక్కంతం వంశీ దర్శకుడిగా పరిచయం అవుతున్న ‘ఎన్‌టి‌ఆర్ 27’ లో ఎన్‌టి‌ఆర్ నటించనున్నాడు.
ఎన్‌టి‌ఆర్ ఆర్ట్స్ పతాకం పై నందమూరి కళ్యాణ్ ఈ చిత్రాన్ని నిర్మించనున్నాడు. ఎన్‌టి‌ఆర్ పుట్టిన రోజును పురస్కరించుకొని ఈ చిత్రానికి సంబంధించిన ఫస్ట్ లుక్ పోస్టర్ల ను చిత్ర బృందం విడుదల చేసింది. ‘జనతా గ్యారేజ్’ పూర్తి అయిన తరువాత ఈ చిత్రం సెట్స్ పైకి వెళ్ళే అవకాశం ఉంది. మరోవైపు పూరి జగన్నాథ్ దర్శకత్వంలో తెరకెక్కనున్న చిత్రంలోనూ ఎన్‌టి‌ఆర్ నటించాల్సి ఉంది.
