Vanitha Vijaykumar, Rajinikanth: రజినీ మాట్లాడినా పని జరగలేదన్న వనిత!

ఈ మధ్య కాలంలో ఏదో ఒక వివాదం ద్వారా, వివాదాస్పద వ్యాఖ్యల ద్వారా వనితా విజయ్ కుమార్ వార్తల్లో నిలుస్తున్న సంగతి తెలిసిందే. కోలీవుడ్ సినిమాల్లోనే ఎక్కువగా నటించినప్పటికీ తెలుగు ప్రేక్షకులకు కూడా వనితా విజయ్ కుమార్ సుపరిచితమైన నటి కావడం గమనార్హం. తల్లి మంజుల చనిపోయిన తరువాత ప్రాపర్టీ విషయంలో వివాదం ద్వారా వనితా విజయ్ కుమార్ వార్తల్లో నిలిచారు. తాజాగా ఆ వివాదం గురించి అలీతో సరదాగా షోలో మాట్లాడిన వనితా విజయ్ కుమార్ ఎన్నో ఆసక్తికర విషయాలను వెల్లడించారు.

ప్రాపర్టీకి సంబంధించి జరిగిన గొడవల విషయంలో తాను సూపర్ స్టార్ రజినీకాంత్ తో కూడా మాట్లాడానని ఆమె అన్నారు. సూపర్ స్టార్ రజినీకాంత్ ను తాను అంకుల్ అని పిలుస్తానని ఆయన తనకు చాలా క్లోజ్ అని వనితా విజయ్ కుమార్ చెప్పుకొచ్చారు. భర్తతో డివోర్స్ తీసుకున్న సమయంలో పిల్లల కోసం తాను ప్రాపర్టీలో వాటా అడిగానని ఆమె వెల్లడించారు. రజినీకాంత్ అంకుల్ ప్రాపర్టీ విషయమై నాన్నగారితో మాట్లాడారని అయితే నాన్నతో మాట్లాడినా పని జరగలేదని వనిత చెప్పుకొచ్చారు.

ఆ తర్వాత ప్రాపర్టీ మ్యాటర్ ను తాను లైట్ తీసుకున్నానని వనితా విజయ్ కుమార్ కామెంట్లు చేశారు. సినిమా ఆఫర్లు ఎక్కువగా లేకపోయినా టీవీ ఆఫర్లు, ఇతర ఆఫర్లు వనిత చేతిలో ఉన్న సంగతి తెలిసిందే. నాలుగు కాకపోతే నలభై పెళ్లిళ్లు చేసుకుంటానంటూ వనిత పెళ్లిళ్ల గురించి కామెంట్లు చేసి వార్తల్లో నిలిచారు.

Most Recommended Video

నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!