సైన్స్ ఫిక్షన్ తొలి షార్ట్ ఫిల్మ్ “వర”

ప్రముఖ షార్ట్ ఫిల్మ్ సంస్థ రన్ వే రీల్ మరో అద్భుత లఘు చిత్రాన్ని మనకి అందించబోతోంది. విద్యాధర్ దర్శ కత్వంలో రూపుదిద్దుకున్న “వర” షార్ట్ ఫిల్మ్ ట్రైలర్ ని గురువారం విడుదల చేసి సంచలనానికి తెరలేపింది. మేక రామకృష్ణ, వినోద వర్మ అనే ఇద్దరు ఆర్టిస్టులతో కార్తిక్ శబరీష్ నిర్మించిన ఈ చిత్రం ట్రైలర్ దశలోనే యూట్యూబ్ ప్రేక్షకులను విశేషంగా ఆకట్టుకుంటోంది. హెవీ వీఎఫ్ఎక్స్ వర్క్స్ తో రూపుదిద్దుకున్న సైన్స్ ఫిక్షన్ తొలి షార్ట్ ఫిల్మ్ గా వర రికార్డుల్లోకి వెళ్లనుంది.

“వర” లో ఇమిడిన అంశాలు
“వత్సవ్.. నువ్వు ఇలా ఎందుకు చేస్తున్నావో నాకు తెలుసు.. ఒక కాల్ లేదు .. ఒక మెసేజ్ లేదు .. నువ్వు త్వరలో చచ్చి పోతావు అనే దాని గురించి నాకు అవసరం లేదు.. ప్లీజ్ ఒక సారి రారా.. అని ఒక అమ్మాయి తమిళంలో మాట్లాడుతుండగా “వర” షార్ట్ ఫిల్మ్ ట్రైలర్ మొదలవుతుంది. ఆ గొంతులో ప్రేమ.. భయం.. దిగులు అన్ని వినిపిస్తాయి. సస్పెన్స్ ఏదో దాగుందని అనిపిస్తుంది. అలా అని ప్రేమ చిత్రం కాదు. ఇద్దరు పరిశోధకులు తమ కుటుంబ సభ్యుల ప్రేమానురాగాలు దూరంగా విశ్వంలో దాగున్న పెద్ద రహస్యాన్ని కనుగొనేందుకు చేసే ప్రయత్నమే ఈ చిత్రమని వీడియో చెబుతోంది. ఎంతో ఆసక్తిని కలిగిస్తున్న 1.30 నిముషాల ఈ ట్రైలర్ షార్ట్ ఫిల్మ్ చరిత్రలో కొత్త ఒరవడిని తీసుకు రానుందని నెటిజనులు అభిప్రాయపడుతున్నారు. భారీ బడ్జెట్ సినిమా టీజర్ చూస్తున్న అనుభూతిని “వర” ట్రైలర్ ఇచ్చిందని చెబుతున్నారు. షార్ట్ ఫిల్మ్ కోసం ఎదురు చూస్తున్నట్లు వెల్లడించారు. అంతగా ఆకట్టుకున్నఆ ట్రైలర్ ని మీరు ఓ లుక్ వేయండి.