Varalaxmi Sarathkumar: నటి వరలక్ష్మీ శరత్ కుమార్ తీరని కోరిక ఇదే!

September 12, 2022 / 06:24 PM ISTByFilmy Focus

Join Us

Varalaxmi Sarathkumar: నటి వరలక్ష్మీ శరత్ కుమార్ తీరని కోరిక ఇదే!

టాలీవుడ్, కోలీవుడ్ ఇండస్ట్రీలలో నటిగా తనకంటూ ప్రత్యేక గుర్తింపును సొంతం చేసుకున్న నటీమణులలో వరలక్ష్మీ శరత్ కుమార్ ఒకరు. ఈమె నటించిన సినిమాలలో మెజారిటీ సినిమాలు సక్సెస్ ను సొంతం చేసుకున్నాయి. తెలుగులో నెగిటివ్ షేడ్స్ ఉన్న పాత్రలలో, సీరియస్ రోల్స్ లో ఆమె ఎక్కువగా నటించారు. అయితే తాజాగా వరలక్ష్మీ శరత్ కుమార్ చేసిన కామెంట్లు సోషల్ మీడియాలో వైరల్ అవుతున్నాయి. ఎలాంటి రోల్ లో నటించినా తన పాత్రకు పూర్తిస్థాయిలో న్యాయం చేసే ఈ నటి తండ్రి బ్రాండ్ ను ఉపయోగించుకోకుండానే సినిమాల్లోకి ఎంట్రీ ఇచ్చారు.

యశోద సినిమాతో పాటు బాలయ్య గోపీచంద్ కాంబో మూవీలో వరలక్ష్మీ శరత్ కుమార్ నటిస్తుండగా ఈ రెండు సినిమాలు విడుదలైన తర్వాత తనకు క్రేజ్ మరింత పెరగడం గ్యారంటీ అని ఆమె భావిస్తున్నారు. అయితే తాజాగా వరలక్ష్మీ శరత్ కుమార్ మాట్లాడుతూ తనకు హాస్యభరిత కథాచిత్రంలో నటించాలనేది చిరకాల కోరిక అని తెలిపారు. అయితే నాకు కామెడీ రోల్స్ లో నటించే అవకాశాలు రాలేదని ఆమె కామెంట్లు చేశారు. నాకు ఎక్కువగా విలన్ రోల్స్ లో నటించే అవకాశం వస్తోందని ఆమె అన్నారు.

ఎవరైనా కామెడీ కథా చిత్రాలలో నటించే ఛాన్స్ ఉంటే చెప్పండి ప్లీజ్ అని ఆమె అన్నారు. మంచి డ్యాన్సర్ అయిన వరలక్ష్మీ శరత్ కుమార్ ప్రస్తుతం విభిన్నమైన పాత్రలను ఎంచుకునే దిశగా అడుగులు వేస్తున్నారు. వరలక్ష్మీ శరత్ కుమార్ కు అనిల్ రావిపూడి, త్రివిక్రమ్ శ్రీనివాస్ మంచి కామెడీ రోల్స్ ను ఆఫర్ చేస్తే బాగుంటుందని అభిమానులు కోరుకుంటున్నారు.

వరలక్ష్మీ శరత్ కుమార్ కెరీర్ పరంగా మరింత సక్సెస్ కావాలని ఆమె అభిమానులు భావిస్తున్నారు. చాలామంది నటీమణులతో పోల్చి చూస్తే వరలక్ష్మీ శరత్ కుమార్ రెమ్యునరేషన్ కూడా తక్కువేనని సమాచారం. బాలయ్య సినిమాలో క్రూరమైన విలన్ రోల్ లో ఆమె కనిపించనున్నారు.