Varalaxmi Sarathkumar: వరలక్ష్మి శరత్ కుమార్ పై పెళ్లి వార్తలు..నిజమేనా..?

September 13, 2022 / 02:02 PM ISTByFilmy Focus

Join Us

Varalaxmi Sarathkumar: వరలక్ష్మి శరత్ కుమార్ పై పెళ్లి వార్తలు..నిజమేనా..?

కోలీవుడ్ ముద్దుగుమ్మ వరలక్ష్మి శరత్ కుమార్ ఇప్పుడు తెలుగులో కూడా బాగా ఫేమస్ అయింది. టాలీవుడ్ లో లేడీ విలన్ రోల్స్ కోసం ఆమెని సంప్రదిస్తున్నారు. ఇప్పటివరకు తెలుగులో ఆమె చేసిన సినిమాలన్నీ విలన్ తరహాలో సాగే పాత్రలే. ప్రస్తుతం ఆమె తెలుగులో చాలా బిజీగా ఉంది. అయితే ఇప్పుడు ఈ బ్యూటీ సన్నని తీగలా మారిపోయింది. నిజానికి విలన్ రోల్స్ కి ఫిట్ గా ఉండాల్సిన అవసరం లేదు. గ్లామరస్ లుక్ తో కూడా పని లేదు.

అలాంటప్పుడు వరలక్ష్మీ ఉన్నట్టుండి సన్నగా ఎందుకు మారిందనే ప్రశ్నలు తలెత్తాయి. పెళ్లి కోసమే ఆమె సన్నబడిందని చాలా మందికి డౌట్. అదే ప్రశ్న గురించి ఆమెని అడగ్గా.. ‘పెళ్లి కోసం కాదు.. నాకు బాయ్ ఫ్రెండ్ లేడు. పెళ్లి సంబంధం కూడా కుదరలేదు’ అంటూ చెప్పుకొచ్చింది. ప్రస్తుతం వరలక్ష్మి శరత్ కుమార్ వయసు 37. నలభైలోకి ఎంటర్ అవుతుంది. అందుకే తన ఆరోగ్యంపై దృష్టి పెట్టి బరువు తగ్గిందట.

మళ్లీ లావు కావొద్దని నిర్ణయం కూడా తీసుకుందట. ప్రస్తుతం ఈ బ్యూటీ బాలయ్య నటిస్తోన్న కొత్త సినిమాలో కీలకపాత్ర పోషిస్తోంది. ఈ సినిమాను గోపీచంద్ మలినేని డైరెక్ట్ చేస్తున్నారు. షూటింగ్ దశలో ఉన్న ఈ సినిమాపై మంచి అంచనాలు ఉన్నాయి. ఈ సినిమాతో పాటు మరో రెండు సినిమాలు కూడా సైన్ చేసింది వరలక్ష్మి. తెలుగులో క్రేజీ ప్రాజెక్ట్స్ చేస్తూ.. ఇక్కడే సెటిల్ అయ్యేలా కనిపిస్తోంది ఈ బ్యూటీ. తెలుగుతో పోలిస్తే తమిళంలో ఈమెకి పెద్దగా అవకాశాలు లేవు.