Varalaxmi Sarathkumar: నయన తార అవకాశాన్ని లాగేసుకున్న వరలక్ష్మీ..!

‘క్రాక్’ ‘నాంది’ చిత్రాల హిట్లతో వరలక్ష్మీ శరత్ కుమార్ కు తెలుగులో మంచి క్రేజ్ ఏర్పడింది. నెగిటివ్ రోల్స్ కు వరలక్ష్మీ కరెక్ట్ గా సరిపోతుంది. అంతేకాదు ‘నాంది’ చిత్రంతో కీలకమైన లాయర్ పాత్రలకు అలాగే పాజిటివ్ రోల్స్ కు కూడా న్యాయం చెయ్యగలను అని ఈమె ప్రూవ్ చేసుకుంది. దాంతో ఈమెకు ఇప్పుడు వరుస అవకాశాలు వస్తున్నాయి. ఇప్పటికే అల్లు అర్జున్- కొరటాల శివ కాంబినేషన్లో రూపొందే మూవీలో వరలక్ష్మిని ఓ కీలక పాత్రకు ఎంపిక చేసుకున్నట్టు టాక్ నడుస్తుంది.

అంతేకాకుండా మెగాస్టార్ చిరంజీవి సినిమాలో కూడా ఈమె అవకాశం దక్కించుకున్నట్టు తాజా సమాచారం. వివరాల్లోకి వెళితే.. ‘ఆచార్య’ తరువాత మలయాళం సూపర్ హిట్ అయిన ‘లూసిఫర్’ రీమేక్లో నటించినడానికి చిరు రెడీ అవుతున్న సంగతి తెలిసిందే. తమిళ దర్శకుడు మోహన్ రాజా ఈ రీమేక్ ను తెరకెక్కించనున్నాడు. కాగా ఈ సినిమాలో ఓ కీలక పాత్ర ఉంటుంది. ఆ పాత్ర హీరోకి చెల్లెలు పాత్ర లాంటిది. ముందుగా ఈ పాత్ర కోసం కుష్బూని అనుకున్నారని టాక్ నడిచింది. కానీ తరువాత నయనతారని సంప్రదించారట.ఆమె ఈ పాత్ర చెయ్యడానికి ఏకంగా రూ.6 కోట్లు డిమాండ్ చేసిందట.

అందుకు దర్శకనిర్మాతలు ఓకే చెప్పలేదు కానీ.. ప్రాజెక్టు మొదలవ్వడానికి ఇంకా టైం ఉంది కాబట్టి చూద్దాంలే అని లైట్ తీసుకున్నారట. అయితే ఇటీవల వరలక్ష్మీ శరత్ కుమార్ అయితే ఈ పాత్రకు పూర్తి న్యాయం చెయ్యగలదు అని దర్శకుడు మోహన్ రాజా.. చిరుతో చెప్పాడట. అతని నిర్ణయం పర్ఫెక్ట్ అని చిరు కూడా కితాబిచ్చినట్టు ఇన్సైడ్ టాక్. వరలక్ష్మీ అయితే పారితోషికం విషయంలో అంత డిమాండ్ చెయ్యదు. గట్టిగా రూ.60 లక్షలు లేదా రూ.70లక్షలకు ఆమె ఓకే చెప్పేసే అవకాశం ఉంది. కాబట్టి.. ఈ పాత్రకు ఆమె ఫైనల్ అయ్యే అవకాశాలు ఎక్కువగా కనిపిస్తున్నాయి.

Most Recommended Video

వైల్డ్ డాగ్ సినిమా రివ్యూ & రేటింగ్!
సుల్తాన్ సినిమా రివ్యూ & రేటింగ్!
ఈ 10 మంది హీరోయిన్లు టీనేజ్లోనే ఎంట్రీ ఇచ్చేసారు తెలుసా..!