టాలీవుడ్ లేడీ విలన్ గా మారిన స్టార్ కిడ్

కామెడీ చిత్రాల హీరోగా రాజేంద్ర ప్రసాద్ స్థానం భర్తీ చేసిన అల్లరి నరేష్ అనతి కాలంలోనే 50సినిమాలు చేశారు. మినిమమ్ గ్యారంటీ హీరోగా టాలీవుడ్ లో పేరు తెచ్చుకున్న నరేష్ ఈ మధ్య విజయాల పరంగా వెనుక బడ్డాడు.. ఈ మధ్య హీరోగా అల్లరి నరేష్ చేసిన అన్నీ సినిమాలు బాక్సాపీస్ వద్ద బోల్తాకొట్టాయి. దీనితో మహర్షి సినిమాలో సపోర్టింగ్ రోల్ చేశారు. కాగా ఈనెల 20న అల్లరి నరేష్ కొత్త చిత్రం ప్రారంభించారు. నాంది అనే టైటిల్ తో తెరకెక్కుతున్న ఈ మూవీ ఫస్ట్ లుక్ పోస్టర్స్ తోనే సినిమా పై ఆసక్తి కలిగించారు. ఆయన ఇమేజ్ కి భిన్నంగా సీరియస్ క్రైమ్ థ్రిల్లర్ చేస్తున్నట్లు తెలుస్తుంది.

ఐతే ఈ చిత్రంలో ఓ పాత్ర కోసం వరలక్ష్మీ శరత్ కుమార్ ని తీసుకున్నారు. ఈ చిత్రం షూటింగ్ లో పాల్గొంటున్నందుకు చాలా ఆనందంగా ఫీలవుతున్నాను అని ట్వీట్ చేసారు. ఈ సీరియస్ క్రైమ్ థ్రిల్లర్ వరలక్ష్మి పాత్ర ఏమై ఉంటుంది అనే ఆసక్తి పెరిగిపోయింది. ఈ మధ్య వరలక్ష్మీ తమిళ, తెలుగు చిత్రాలలో నెగటివ్ రోల్స్ చేస్తున్నారు. దీనితో ఆమె నాంది మూవీలో కూడా నెగిటివ్ రోల్ చేస్తున్నట్లు సమాచారం. మంచి నటిగా పేరున్న వరలక్ష్మీ నెగటివ్ షేడ్స్ ఉన్న పాత్రలలో రాణిస్తున్నారు. పందెం కోడి 2 లో విశాల్ కి విలన్ గా చేసిన వరలక్ష్మీ , తెలుగులో సందీప్ కిషన్ హీరోగా వచ్చిన తెనాలి రామకృష్ణ బి ఏ బి ఎల్ సినిమాలో విలన్ రోల్ చేశారు. ఇక రవి తేజ హీరోగా తెరకెక్కుతున్న క్రాక్ మూవీలో కూడా వరలక్ష్మీ లేడీ విలన్ రోల్ చేస్తున్నారట. ఈ విధంగా తెలుగులో లేడీ విలన్ రోల్స్ కి కేర్ ఆఫ్ అడ్రస్ గా మారిపోయారు.

సరిలేరు నీకెవ్వరు సినిమా రివ్యూ & రేటింగ్!
అల వైకుంఠపురములో సినిమా రివ్యూ & రేటింగ్!
ఎంతమంచివాడవురా సినిమా రివ్యూ & రేటింగ్!