Varshini, Aadhi: వామ్మో.. వర్షిణి కామెంట్ల వెనుక ఇంత అర్థం ఉందా?

June 10, 2022 / 07:02 PM ISTByFilmy Focus

Join Us

Varshini, Aadhi: వామ్మో.. వర్షిణి కామెంట్ల వెనుక ఇంత అర్థం ఉందా?

బుల్లితెరపై ప్రస్తుతం వరుస ఆఫర్లతో బిజీగా ఉన్న కమెడియన్లలో హైపర్ ఆది ఒకరు. ఢీ, శ్రీదేవి డ్రామా కంపెనీ షోలతో హైపర్ ఆది బిజీగా ఉన్నారు. బుల్లితెర ప్రేక్షకుల్లో హైపర్ ఆదికి ఊహించని స్థాయిలో ఫ్యాన్ ఫాలోయింగ్ ఉంది. ఇతర స్టార్ కమెడియన్లతో పోల్చి చూస్తే హైపర్ ఆది రెమ్యునరేషన్ కూడా ఎక్కువ కావడం గమనార్హం. రైటర్ గా, కమెడియన్ గా హైపర్ ఆది ఇండస్ట్రీలో కెరీర్ ను కొనసాగిస్తున్నారు.

సినిమాలలో కూడా ఆదికి ఆఫర్లు వస్తుండగా ఆ ఆఫర్లతో కెరీర్ పరంగా మరింత ఎదగడానికి హైపర్ ఆది కృషి చేస్తున్నారు. తాజాగా ఆది పుట్టినరోజు వేడుకలు జరుపుకోగా వర్షిణి ఆదితో కేక్ కట్ చేయించిన వీడియోను పోస్ట్ చేయడంతో పాటు పోస్ట్ లో ఆసక్తికర వ్యాఖ్యలు చేశారు. వర్షిణి తన పోస్ట్ లో సెలబ్రేషన్స్ అనేవి కంటిన్యూ అవుతాయని పేర్కొన్నారు. ఆదికి పుట్టినరోజు శుభాకాంక్షలు తెలియజేయడంతో పాటు ఆది ఎప్పటికీ నా లైఫ్ లో ఉండాలని కోరుకుంటున్నానని ఆమె చెప్పుకొచ్చారు.

నాకు ఎంతగానో ఇష్టమైన వ్యక్తి ఆది అని నాకు ఎల్లప్పుడూ అండగా నిలిచే వ్యక్తి ఆది అని వర్షిణి కామెంట్లు చేశారు. అయితే వర్షిణి పోస్ట్ చివర్లో రైటర్ ఆది నువ్వు నాకు రైట్ రా ఆది అని వర్షిణి కామెంట్ చేశారు. వర్షిణి చేసిన ఈ కామెంట్ వల్ల ఆది, వర్షిణి మధ్య ఏదో ఉందని వార్తలు ప్రచారంలోకి వస్తున్నాయి. ఈ కామెంట్ గురించి వర్షిణి ఏ విధంగా స్పందిస్తారో చూడాల్సి ఉంది. సినిమాలు, టీవీ షోల ద్వారా వర్షిణి మంచి గుర్తింపును సొంతం చేసుకున్నారు.

గతంతో పోలిస్తే వర్షిణికి ప్రస్తుతం ఆఫర్లు తగ్గాయనే సంగతి తెలిసిందే. పలు సినిమాలలో వర్షిణి హీరోయిన్ గా నటించినా సినిమాలు సక్సెస్ సాధించకపోవడం ఆమె కెరీర్ కు మైనస్ అయింది. కెరీర్ విషయంలో వర్షిణి ఏ విధంగా ముందడుగులు వేస్తారో చూడాల్సి ఉంది. సోషల్ మీడియాలో కూడా వర్షిణికి భారీస్థాయిలో ఫ్యాన్ ఫాలోయింగ్ ఉంది.