‘ఫిదా, తొలిప్రేమ’ హిట్స్ తర్వాత సూపర్ ఫామ్ లో ఉన్న వరుణ్ తేజ్ ప్రస్తుతం “ఘాజీ” ఫేమ్ సంకల్ప్ రెడ్డి దర్శకత్వంలో ఓ స్పేస్ ఫిలిమ్ కోసం సన్నద్ధమవుతున్న విషయం తెలిసిందే. ఈ సినిమా అనంతరం “అప్పట్లో ఒకడుండేవాడు” ఫేమ్ సాగర్ చంద్ర దర్శకత్వంలో ఒక సినిమా చేసేందుకు వరుణ్ తేజ్ సైన్ చేశాడు. 14 రీల్స్ ఎంటర్ టైనెంట్స్ నిర్మించనున్న ఈ చిత్రం ఈ ఏడాది చివర్లో మొదలవుతుంది. అయితే.. తాజా సమాచారం ప్రకారం సాగర్ చంద్ర దర్శకత్వంలో తెరకెక్కబోయే చిత్రంలో వరుణ్ తేజ్ ద్విపాత్రాభినయం పోషించనున్నాడని తెలుస్తోంది. అన్నదమ్ములుగా వరుణ్ & వరుణ్ నటించనున్నారట.
అందుకోసం స్పెషల్ మేకప్ కూడా ప్లాన్ చేస్తున్నారట. రెండు పాత్రలకి భారీ వ్యత్యాసం చూపనున్నాడట. ఆల్రెడీ ఒక ఫోటోషూట్ కూడా జరిగిందని అవుట్ పుట్ తో టీం అందరూ హ్యాపీగా ఉన్నారని వినికిడి. ఇకపోతే.. వరుణ్ ప్రస్తుతం తాను నటించబోతే సినిమాలో వ్యోమగామిగా కనిపించనున్న విషయం తెలిసిందే. అందుకోసం జీరో గ్రావిటీలో ట్రయినింగ్ కూడా తీసుకొంటున్నాడట. ట్రయినింగ్ పూర్తవ్వగానే షూటింగ్ లో పాల్గొంటాడట వరుణ్ తేజ్.
