‘గని’ బరిలో దిగితే పని అయిపోయినట్లే..!

మెగా ప్రిన్స్ వరుణ్ తేజ్ తనదైన స్టైల్లో దూసుకుపోతున్నాడు. ఎంతో కష్టపడి టోనీ జెఫ్రీస్ దగ్గర బాక్సింగ్ ట్రైనింగ్ తీస్కుని మరీ గని గా తెలుగు ప్రేక్షకుల ముందుకు రాబోతున్నాడు. కిరణ్ కొర్రపాటి ఈ సినిమా ద్వారా తెలుగు తెరకి దర్శకుడిగా పరిచయం అవుతున్న సంగతి తెలిసిందే. ఈ సినిమా లో గని పంచ్ పవర్ కి ఎవరైనా గులామ్ అనాల్సిందేనట. గని బరిలోకి దిగితే పని అయిపోయినట్లే అన్నట్లుగా ఉంటుందని, దీనికోసం వరుణ్ చాలా కష్టపడ్డాడని చెప్తోంది మూవీటీమ్.

బాక్సర్ పాత్ర కోసం తనని తాను బాగా మౌల్డ్ చేసుకున్నాడని, ఇందులో వరుణ్ కి పోటీగా నవీన్ చంద్ర కూడా మెప్పిస్తాడని అంటున్నారు. అంతేకాదు, కేవలం బాక్సింగ్ నేపథ్యంలోనే కాకుండా ఇందులో ఫ్యామిలీ ఎమోషన్స్ కూడా పీక్స్ లో ఉంటాయని అంటున్నారు. గతంలో వచ్చిన ఏ తెలుగు సినిమాకి కూడా ఈ సినిమాతో పోలిక ఉండదని, కథని చాలా కొత్తగా ప్రజెంట్ చేశామని అంటోంది చిత్రయూనిట్. ఎమోషనల్ యాక్షన్ ఎంటర్ టైనర్ గా ఆకట్టుకునే సినిమా అవుతుందని,

ఎవరి ఆటలు అయినా సరే కట్టించేందుకు గని బాక్సింగ్ రింగ్ లోకి దిగుతాడని, ఈ సీన్స్ చాలా బాగా సిల్వర్ స్క్రీన్ పై వచ్చాయని కాన్ఫిడెంట్ గా ఉంది మూవీటీమ్. తమన్ మ్యూజిక్, జార్జ్ సి విలియమ్స్ కెమెరా చాలా గొప్పగా ఉన్నాయని అంటున్నారు. అదీ విషయం.

Most Recommended Video

మాస్టర్ సినిమా రివ్యూ& రేటింగ్!
రెడ్ సినిమా రివ్యూ & రేటింగ్!
క్రాక్ సినిమా రివ్యూ & రేటింగ్!