Varun Tej: వరుణ్‌తేజ్‌ తర్వాతి సినిమా ఇదేనా?

వరుణ్‌తేజ్‌ చేతిలో ప్రస్తుతం రెండు సినిమాలున్నాయి. ఆ రెండు తర్వాత ఏంటి అని ఆ సినిమాలయ్యాక ఆలోచించకుండా మరో సినిమా ఓకే చేసేశాడట. అవును వరుణ్‌తేజ్‌ తర్వాతి సినిమా చర్చ కొలిక్కి వచ్చింది అంటున్నాయి టాలీవుడ్‌ వర్గాలు. ఇటీవల ‘భీష్మ’తో మంచి విజయాన్ని అందుకున్న వెంకీ కుడుముల దర్శకత్వంలో వరుణ్‌ తేజ్‌ నటించనున్నాడట. ఇటీవల వరుణ్‌ను వెంకీ కలసి సినిమా కథ వినిపించాడని, అంతా బాగుండేసరికి లాక్‌ చేశారని అంటున్నారు.

వరుణ్‌ చేతిలో ఇప్పుడు ‘ఎఫ్‌ 3’, ‘గని’ ఉన్నాయి. కరోనా పరిస్థితులు లేకపోయుంటే వీటిలో ఓ సినిమా ఈపాటికి విడుదలకు సిద్ధమైపోయేది. అయితే పరిస్థితులు వేరుగా ఉండేసరికి ఆ ముచ్చట లేకుండా పోయింది. దీంతో ఈ గ్యాప్‌లో వరుణ్‌… కొత్త కథలు విన్నాడట. అందులో ఒకటే ఈ వెంకీ కుడుముల కథ. అన్నీ అనుకున్నట్లు జరిగితే ఈ దసరాకు సినిమాకు కొబ్బరికాయ కొట్టేస్తారట. ఈలోగా వెంకీ సినిమా కథకు తుది మెరుగులు దిద్దుకుంటాడట.

‘ఛలో’, ‘భీష్మ ’ సినిమాలతో తనెంత టాలెండెడ్‌ అనేది వెంకీ ఇప్పటికే నిరూపించాడు. వినోదం పండిస్తూనే మంచి పాయింట్‌ను ప్రజల్లోకి తీసుకెళ్లడం ఎలానో చూపించాడు. ఇప్పుడు వరుణ్‌తేజ్‌కి కూడా అలాంటి కథను వినిపించాడట. వరుణ్‌ ఇటీవల కామెడీ టైమింగ్ బాగానే మెరుగుపడ్డాడు. కాబట్టి సినిమాకు మంచి స్పందనే రావొచ్చు. అయితే ఈ కథను ఇంకా చిరంజీవి వినలేదని టాక్‌. ఒకవేళ వింటే సినిమా ఇంకాస్త ట్యూన్‌ చేసి బెటర్‌ వెర్షన్‌ సిద్ధం చేయొచ్చు.

Most Recommended Video

థ్యాంక్యూ బ్రదర్ సినిమా రివ్యూ & రేటింగ్!
వెంకీ టు సాయి తేజ్.. అందరూ అలా కష్టపడినవాళ్ళే..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!