మెగా ప్రిన్స్ వరుణ్ తేజ్ హీరోగా క్లాస్ సినిమాల సృష్టికర్త శేఖర్ కమ్ముల దర్శకత్వంలో దిల్ రాజు ఓ సినిమా ఎనౌన్స్ చేసిన విషయం తెలిసిందే. “ప్రేమమ్” ఫేమ్ సాయిపల్లవి కథానాయకిగా ఎంపికైంది అని చెప్పబడుతున్న ఈ చిత్రం జూలై 18న లాంఛనంగా మొదలుకానుందని సమాచారం. అమెరికా పెట్టిపెరిగిన ఓ ఎన్నారై కుర్రాడు, హైద్రాబాద్ లోని ఓ తెలంగాణ అమ్మాయి ప్రేమలో పడితే ఎలా ఉంటుంది, ఆమె తెలంగాణా కుటుంబం కారణంగా ఎన్నారై కుర్రాడు ఎదుర్కొన్న సమస్యలేమీటీ? అనే కథాంశంతో.. క్లీన్ కామెడీ అండ్ ఎమోషనల్ ఎంటర్ టైనర్ గా తెరకెక్కనున్న ఈ చిత్రం షూటింగ్ దాదాపుగా హైద్రాబాద్ లోని పద్మారావ్ నగర్ లోనే జరగనుంది.
వరుణ్ ఈ సినిమా కంటే ముందు శ్రీనువైట్ల దర్శకత్వంలో “మిస్టర్” సినిమా సైన్ చేసినప్పటికీ.. ఆ సినిమా స్క్రిప్ట్ పనులు ఇంకా పూర్తి కాకపోవడంతో.. శేఖర్ కమ్ముల సినిమాను యుద్ధ ప్రాతిపదికన మొదలెట్టిస్తున్నాడు. మనోడి మునుపటి సినిమా “లోఫర్” ఫ్లాపాయిన విషయం తెలిసిందే!
Home