Varun Tej: మరో దర్శకుడికి మెగా ప్రిన్స్‌ ఓకే చెప్పేశాడట

తొలిసారి లాక్‌డౌన్‌ పెట్టినప్పుడు మన సినిమా తారలు వరుసపెట్టి కథలు విని, నచ్చినవి ఓకే చేసేశారు. అందుకే ఇలా లాక్‌డౌన్ అయ్యిందో లేదో, అలా సినిమాలు, విడుదల తేదీలు ప్రకటించారు. అందులో వరుణ్‌తేజ్‌ లేడు. అయితే సెకండ్‌ లాక్‌డౌన్‌లో మాత్రం యాక్టవ్‌గా ఉన్నాడు. రెండు సినిమాలను ఓకే చేసుకున్నాడట. వెంకీ కుడుముల దర్శకత్వంలో వరుణ్‌ తేజ్‌ ఓ సినిమా చేస్తాడని గతంలో వార్తలొచ్చాయి. ఇప్పుడు ప్రవీణ్‌ సత్తారు సినిమా గురించి వార్తలొస్తున్నాయి.

ప్రవీణ్‌ సత్తారు ఇటీవల వరుణ్‌తేజ్‌కు ఓ కథ వినిపించాడట. అంతా కాల్స్‌, ఆన్‌లైన్‌లో జరిగిపోయిన ఈ నెరేషన్‌ను వరుణ్‌తేజ్‌ ఓకే చేశాడని అంటున్నారు. ఫుల్‌ స్క్రిప్ట్‌ సిద్ధం చేశాక మరోసారి విని పూర్తిగా ఓకే చేసుకుంటారట. మరోవైపు వెంకీ కుడుముల సినిమా కూడా సిద్ధం చేస్తున్నారట. ఈ లెక్కన వరుణ్‌ ఒకేసారి రెండు సినిమాలు చేస్తాడా? లేక వేగంగా ఒక్కోటి పూర్తి చేస్తాడా అనేది తెలియాల్సి ఉంది. ప్రస్తుతం ఇలా రెండు, మూడు పడవల ప్రయాణం చేస్తోంది ప్రభాస్‌, పవన్‌ కల్యాణ్‌ మాత్రమే.

ప్రవీణ్‌ సత్తారు ప్రస్తుతం నాగార్జున సినిమా చేస్తున్నాడు. ఇటీవల చిత్రీకరణ ప్రారంభిచారు కూడా. అయితే కరోనా – లాక్‌డౌన్‌ పరిస్థితుల కారణంగా సినిమాను రెండో షెడ్యూల్‌ వాయిదా పడింది. దీంతో సినిమానే ఆగిపోయిందనే పుకార్లూ వచ్చాయి. అయితే అలాంటిదేం లేదు, త్వరలో రెండో షెడ్యూల్‌ అంటూ ఇటీవల చిత్రబృందం ప్రకటన విడుదల చేసింది. అంటే ఈ సినిమా అయ్యాకనే ప్రవీణ్‌ వేరే సినిమా చేస్తాడు. ఇక వరుణ్‌తేజ్‌ సంగతి చూస్తే… చేతిలో ‘ఎఫ్‌ 3’, ‘గని’ ఉన్నాయి.

Most Recommended Video

టాలీవుడ్ స్టార్ హీరోల ఫేవరెట్ ఫుడ్స్ ఇవే..?
ఈ 10 సినిమాల్లో కనిపించని పాత్రలను గమనించారా?
2020 లో పాజిటివ్ టాక్ వచ్చినా బ్రేక్ ఈవెన్ కానీ సినిమాల లిస్ట్..!