Drushyam Teaser: రాంబాబు ఫ్యామిలీ ఈసారి ఎలా బయటపడతారో..!

2014 లో వచ్చిన ‘దృశ్యం’ చిత్రం ఎంత పెద్ద హిట్ అయ్యిందో ప్రత్యేకంగా చెప్పనవసరం లేదు.దానికి కొనసాగింపుగా ‘దృశ్యం2’ వస్తుందని అప్పుడు ఎవ్వరూ ఊహించనూ లేదు. అయితే ఎవ్వరూ ఊహించని విధంగా గతేడాది ఎండింగ్లో మలయాళంలో ‘దృశ్యం2’ రావడం… అది హిట్ అవ్వడంతో… తెలుగులో కూడా దానిని రూపొందించారు. నిజానికి 5 నెలల క్రితమే షూటింగ్ పూర్తయ్యింది. కానీ ఎందుకో రిలీజ్ కాలేదు. థియేటర్ల పరిస్థితి మెరుగ్గా లేని పక్షంలో ఈ చిత్రాన్ని ‘నారప్ప’ లానే ఓటిటిలో రిలీజ్ చేస్తామని నిర్మాత ప్రకటించారు.

వారు చెప్పినట్టు గానే ‘దృశ్యం2’ ఓటిటిలో రిలీజ్ కాబోతుంది. అయితే ముందుగా అనుకున్నట్టు ‘డిస్నీ ప్లస్ హాట్ స్టార్’ లో కాదు ‘అమెజాన్ ప్రైమ్’ లోనే రిలీజ్ కాబోతుంది. నవంబర్ 25న ‘దృశ్యం2’ అమెజాన్ ప్రైమ్లో రిలీజ్ కాబోతుంది. ఇందుకు సంబంధించిన అధికారిక ప్రకటన కూడా వచ్చింది. దాంతో పాటు టీజర్ ను కూడా రిలీజ్ చేశారు. కేసునుండీ బయటపడింది అనుకున్న రాంబాబు ఫ్యామిలీని మళ్ళీ పోలీసులు అదుపులోకి తీసుకొని చిత్ర హింసలు పెడుతున్నారు.

ఈసారి పోలీసులకు.. రాంబాబు ఫ్యామిలీ పై ఎందుకు డౌట్ వచ్చింది? వాళ్లకి దొరికే ఆధారాలేంటి? ఈసారి పోలీసుల భారి నుండీ ఈసారి రాంబాబు ఫ్యామిలీ ఎలా బయటపడుతుంది? అనే అనుమానాలను రేకెత్తించేలా టీజర్ ను కట్ చేశారు. ‘దృశ్యం’ ను శ్రీప్రియ డైరెక్ట్ చేయగా.. ‘దృశ్యం2’ ని మాత్రం ఒరిజినల్ ను తెరకెక్కించిన దర్శకుడు జీతూ జోసెఫే తెరకెక్కించాడు.

వరుడు కావలెను సినిమా రివ్యూ & రేటింగ్!

Most Recommended Video

రొమాంటిక్ సినిమా రివ్యూ & రేటింగ్!
పునీత్ రాజ్ కుమార్ సినీ ప్రయాణం గురించి తెలిస్తే షాక్ అవ్వాల్సిందే..!
ఇప్పటివరకు ఎవ్వరూ చూడని పునీత్ రాజ్ కుమార్ ఫోటోలు..!