షూటింగ్ ప్లానింగ్‌లో నారప్ప టీమ్!

September 9, 2020 / 01:03 PM ISTByFilmy Focus

Join Us

కరోనాతో సహజీవనానికి జనాలు అలవాటు పడ్డారు. ఒక వైపు రోజు రోజుకీ కేసులు పెరుగుతున్నాయి. మరో వైపు రోజువారీ పనులు, జీవితంలో ప్రజలు నిమగ్నమవుతున్నారు. ఇళ్ల నుండి బయటకు వస్తున్నారు. సినిమా జనాలు సైతం కరోనాతో సహజీవనానికి అలవాటు పడుతున్నారు. నెమ్మదిగా షూటింగులు మొదలు పెడుతున్నారు. విక్టరీ వెంకటేష్ కూడా వచ్చే నెలలో షూటింగ్ స్టార్ట్ చెయ్యడానికి ప్లాన్ చేస్తున్నారు. వెంకటేష్ కథానాయకుడిగా నటిస్తున్న లేటెస్ట్ సినిమా ‘నారప్ప’. యాక్చువల్లీ బ్రేకులు లేకుండా మధ్య మధ్యలో రెండు మూడు రోజులు గ్యాప్ తీసుకూంటూ సింగిల్ షెడ్యూల్ లో షూటింగ్ కంప్లీట్ చెయ్యాలని ప్లాన్ చేశారు.

కరోనాతో ప్లానులు తల్లకిందులు అయ్యాయి. కొందరు ఇప్పుడు షూటింగులు స్టార్ట్ చేశారు. వెంకటేష్ ‘నారప్ప’ టీమ్ కూడా స్టార్ట్ చెయ్యాలని అనుకుంటున్నది. విజయదశమికి ముందే వన్ వీక్ షెడ్యూల్ చెయ్యాలని ‘నారప్ప’ టీమ్ ప్లాన్ చేస్తున్నది. ట్రయల్ షూట్ టైప్ అన్నమాట. జస్ట్ కాస్ట్ అండ్ క్రూ తక్కువమంది అవసరమయ్యే సన్నివేశాలు తియ్యాలని ప్లాన్ చేస్తున్నారు. కరోనా నేపథ్యంలో జాగ్రత్తలు తీసుకుంటూ చేసి, ఆ తరవాత ఎక్కువమంది అవసరమయ్యే సన్నివేశాలు తీస్తారట.

Naarappa Action Sequences At Kurumalai

తమిళ సినిమా ‘అసురన్’కి రీమేక్ ఈ సినిమా. శ్రీకాంత్ అడ్డాల దర్శకత్వం వహిస్తున్నారు. వెంకటేష్ సరసన ప్రియమణి హీరోయిన్. సురేష్ బాబు, కలైపులి ఎస్. థాను సినిమాను ప్రొడ్యూస్ చేస్తున్నారు.