పిల్లలతో సరదాగా బ్యాడ్మింటన్ ఆడిన వెంకటేష్

విక్టరీ వెంకటేష్ స్టార్ హీరో అన్న సంగతి అభిమానులకు గుర్తుంటుందేమోగానీ.. అతను మాత్రం అసలు పట్టించుకోరు. నెంబర్ గేమ్స్ నచ్చదు కానీ గేమ్స్ ని మాత్రం ఎంజాయ్ చేస్తారు. నగరంలో ఏ క్రికెట్ మ్యాచ్ జరిగినా ప్రత్యక్షం అయిపోతారు. వెంకీకి ఆటలంటే ఎంత ఇష్టమో తెలిపే వీడియో ఒకటి ప్రస్తుతం యూట్యూబ్ లో చక్కర్లు కొడుతోంది. గత ఏడాది గురు షూటింగ్ కి కారులో వెళ్తున్న వెంకటేష్ కి రోడ్డు పక్కన బ్యాడ్మింటన్ ఆడుతున్న పిల్లలు కనిపించారు. ఇక వెంటనే కారు ఆపి పిల్లలతో కలిసి ఆడారు. ఈ అరుదైన సంఘటనని అక్కడే ఉన్న ఓ అభిమాని తన మొబైల్ కెమెరాలో బంధించారు. ఆ వీడియో ప్రస్తుతం నెట్లో ఉంచారు.

వెంకీ చిన్నపిల్లోడిగా మారిన ఈ వీడియో చూసి అభిమానులు తెగ లైకు కొడుతున్నారు. ఇక గురు సినిమా తర్వాత వెంకీ బాగా గ్యాప్ తీసుకున్నారు. అనేక కథలు విన్న వెంకటేష్ తేజ దర్శకత్వంలో ఓకే చెప్పారు. ఆట నాదే వేట నాదే అనే చిత్రాన్ని పట్టాలెక్కించారు. కొన్ని కారణాల వల్ల ఈ సినిమా ఆగిపోయింది. ప్రస్తుతం అనిల్ రావిపూడి దర్శకత్వంలో ఎఫ్2 (ఫన్ అండ్ ఫ్రస్టేషన్) సినిమా చేయడానికి సిద్ధమవుతున్నారు. ఇందులో మెగా ప్రిన్స్ వరుణ్ తేజ్ స్క్రీన్ చేసుకోబోతున్నారు. త్వరలోనే ఈ మూవీ సెట్స్ మీదకు వెళ్లనుంది.