టాలీవుడ్‌లో రీమేక్లు చేయని హీరోలు చాలా తక్కువ మంది. సీనియర్‌ స్టార్ హీరోలు, కుర్ర స్టార్ హీరోలు అని తేడా లేకుండా… చాలామంది రీమేక్‌ సినిమాలు చేస్తున్నారు. అయితే ఆ ముద్ర ఎక్కువగా పడుతున్న హీరో వెంకటేశ్‌. కెరీర్‌లో అన్ని రకాల జోనర్లు చేసినా… స్ట్రెయిట్‌ సినిమాలు చేసినా… రీమేక్‌ హీరో అనగానే ఆయనే గుర్తొస్తారు. మరి వరుసగా రీమేక్లు చేస్తున్నారు ఎందుకు అని వెంకటేశ్‌ దగ్గర అంటే ఏమంటారు? ఇదిగో ఇలా చెప్పారు.
‘నారప్ప’ని తెలుగులో ఎవరూ చేయలేదు కదా? ఆ సినిమా నేనే చేశానంటే కారణం ఏమిటి? ఆ సినిమా నా దగ్గరకు వచ్చింది అని అర్థం. అంతేకానీ జీవితంలో ఎవరూ ఏ విషయం గురించీ… ఎక్కువ లోతుగా ఆలోచించకూడదు అంటూ ఈ విషయాన్ని లైట్‌ తీసుకోండి అని ఇన్‌డైరెక్ట్‌గా చెప్పారు వెంకటేశ్‌. దీంతోపాటు ఆయన ఇమేజ్‌ గురించి కూడా మాట్లాడారు. ఇమేజ్‌ అని అందరూ అంటున్నారు. అయితే నేనెప్పుడూ ఇమేజ్‌ గురించి ఆలోచించను అని చెప్పారు వెంకీ.
ఆ కథ నా దగ్గరికి ఎందుకు రాలేదు, ఈ కథ నా దగ్గరకు ఎందుకు రాలేదు అని ఎప్పుడూ ఎవరివైపు చూడను అని అంటున్నారు వెంకీ. తన దగ్గరికు వచ్చిన కథను తీసుకోవడం మాత్రమే తెలుసునట. ఇప్పటివరకు కెరీర్‌లో చేస్తున్న పని కూడా అదే అని చెప్పారు వెంకీ మామ. అయితే ఎప్పటికప్పుడు కొత్త కథలు చేయడానికి మాత్రం చూస్తుంటా అని కూడా అన్నారు.
Most Recommended Video
ప్రకటనలతోనే ఆగిపోయిన మహేష్ బాబు సినిమాలు ఇవే..!
రాజా విక్రమార్క సినిమా రివ్యూ & రేటింగ్!
3 రోజెస్ వెబ్ సిరీస్ రివ్యూ & రేటింగ్!
Home
