స్టార్ హీరో విక్టరీ వెంకటేష్ సినీ కెరీర్ లో హీరోగా నటించిన సినిమాలలో ఎక్కువ సినిమాలు విజయం సాధించాయి. ఇప్పటికే చిరంజీవి, నాగార్జున వారసులు సినిమాల్లోకి ఎంట్రీ ఇవ్వగా బాలకృష్ణ కొడుకు మోక్షజ్ఞ 2023లో సినిమాల్లోకి ఎంట్రీ ఇవ్వనున్నారు. అయితే వెంకటేష్ కొడుకు అర్జున్ సినీ ఎంట్రీ గురించి మాత్రం స్పష్టత రావడం లేదు. హీరో వెంకటేష్ మాత్రం వేగంగా సినిమాల్లో నటిస్తున్నారు. వెంకటేష్ నటించి ఈ నెల 20వ తేదీన విడుదలైన నారప్ప సక్సెస్ సాధించింది.
వెంకటేష్ నటించిన దృశ్యం2 సినిమా కూడా ఓటీటీలో రిలీజ్ కానుందని వార్తలు వస్తుండగా ఆ వార్తల్లో నిజానిజాలు తెలియాల్సి ఉంది. వెంకటేష్ నటిస్తున్న ఎఫ్3 సినిమా వచ్చే ఏడాది సంక్రాంతి పండుగ కానుకగా రిలీజ్ కానుందని సమాచారం. వెంకటేష్ పర్సనల్ మేకప్ మ్యాన్ రాఘవ తాజాగా ఒక ఇంటర్వ్యూలో మాట్లాడుతూ దగ్గుబాటి అర్జున్ సినీ ఎంట్రీ గురించి ఆసక్తికర విషయాలను వెల్లడించారు. అర్జున్ ఎప్పుడూ పుస్తకాలతోనే కనిపిస్తారని అర్జున్ ఎక్స్ట్రార్డినరీ వ్యక్తి అని రాఘవ చెప్పుకొచ్చారు.
వెంకటేష్ అర్జున్ డెబ్యూ గురించి ఏమీ ప్లాన్ చేయలేదని రాఘవ అన్నారు. అర్జున్ కు ఆసక్తి ఉంటే చదువు పూర్తయ్యాక సినిమాలపై దృష్టి పెట్టే అవకాశం ఉందని వెంకటేష్ కొడుకు సినీ ఎంట్రీ విషయంలో తనకు కూడా డైలమా ఉందని రాఘవ తెలిపారు. అర్జున్ ఆలోచనా విధానం గొప్పగా ఉంటుందని అర్జున్ తెలివైన వాడని రాఘవ అన్నారు. రానా పెళ్లి ఫోటోలలో అర్జున్ హైలెట్ అయిన సంగతి తెలిసిందే. వెంకటేష్ కూడా అర్జున్ సినీ ఎంట్రీ గురించి ఆలోచన చేయడం లేదని తెలుస్తోంది.
Most Recommended Video
‘నారప్ప’ మూవీ నుండీ అదిరిపోయే డైలాగులు..!
తన 16 ఏళ్ల కెరీర్ లో అనుష్క రిజెక్ట్ చేసిన సినిమాల లిస్ట్..!
వెంకీ చేసిన ఈ 10 రీమేక్స్.. ఒరిజినల్ మూవీస్ కంటే బాగుంటాయి..!
