Venkatesh: మహాతో కలసి వెంకటేశ్‌ వెరైటీ ప్రయత్నం!

వెరైటీ సినిమాలు తీయాలన్నా, ప్రయోగాలు చేయాలన్నా టాలీవుడ్‌లో వెంకటేశ్‌ తర్వాతే ఎవరైనా? అందుకే ఆయనకు ట్రెండ్‌, ట్రేడ్‌తో పని ఉండదు అంటుంటారు. తాజాగా వెంకటేశ్‌ మరో ప్రయోగం చేయబోతున్నారా? అవుననే అంటున్నాయి టాలీవుడ్‌ వర్గాలు. టాలీవుడ్‌లో తొలిసారిగా ఓటీటీ కోసం ఓ సినిమా చేయబోతున్నారట వెంకీ. ఇప్పటివరకు ఓటీటీల్లో నేరుగా తెలుగు సినిమాలు వచ్చినా… ఓటీటీ కోసమే సినిమా చేయడం ఇదే తొలిసారి అవుతుంది.

వెంకటేశ్‌ చేయబోతున్న ఈ ప్రయోగానికి వెంకటేశ్‌ మహా దర్శకుడు. ‘కేరాఫ్‌ కంచరపాలెం’ సినిమాతో ఆకట్టుకున్న వెంకటేశ్‌ మహా… ఆ తర్వాత ‘ఉమామహేశ్వర ఉగ్రరూపస్య’తో ఎలాంటి సినిమాలైనా చేయగలడని నిరూపించుకున్నాడు. ఈ ప్రతిభ నచ్చే వెంకటేశ్‌ మహాను పిలిచి మరీ వెంకీ అవకాశం ఇచ్చారట. అయితే ఈ సినిమా బిగ్‌ స్క్రీన్‌ కోసం కాదట. అమెజాన్‌ ప్రైమ్‌ కోసం అని తెలుస్తోంది.

ఇప్పటివరకు తెలుగులో చాలా సినిమాలు నేరుగా ఓటీటీకి వచ్చాయి. అయితే అవి పెద్ద స్క్రీన్‌ కోసమే చిత్రీకరించి… వివిధ కారణాల వల్ల ఓటీటీకి వచ్చేశాయి. కానీ ఈ సినిమాను నేరుగా ఓటీటీ కోసమే చిత్రీకరిస్తున్నారట. అమెజాన్‌ ప్రైమ్‌ చాలా రోజుల నుండి భారీ బడ్జెట్‌ సినిమా నిర్మించాలని చూస్తోంది. అదిప్పుడు ఓకే అయ్యిందని తెలుస్తోంది. కరోనా మహమ్మారి సద్దుమణిగాక ఈ సినిమా చిత్రీకరణ మొదలుపెడతారని సమాచారం.

Most Recommended Video

ఏక్ మినీ కథ సినిమా రివ్యూ & రేటింగ్!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!