పవర్ స్టార్ పవన్ కల్యాణ్, మాటల మాంత్రికుడు త్రివిక్రమ్ శ్రీనివాస్ కాంబినేషన్‌లో వస్తున్న మూడో చిత్రం “అజ్ఞాతవాసి”. హాసిని అండ్ హారిక క్రియేషన్స్ బ్యానర్లో రాధాకృష్ణ వంద కోట్ల బడ్జెట్ తో నిర్మించిన ఈ మూవీ జనవరి 10 న రిలీజ్ కాబోతోంది. ఇందులో హీరోయిన్స్ గా అను ఇమ్యానుయేల్, కీర్తి సురేష్ నటిస్తున్నారు. ఇందులో కుష్బూ కీలక రోల్ పోషిస్తున్నారు. టీజర్ లోను ఆమె కనిపించారు. ఇక వెంకటేష్ లుక్ మాత్రం బయటికి రాలేదు. అసలు ఉన్నారా? లేదా? అనే సందేహం కలిగింది. ఉంటే ఎంత సేపు ఉంటారు? ఎలా ఎంట్రీ ఇస్తారు? అనే ప్రశ్నలు అభిమానులను నిద్ర లేకుండా చేస్తోంది. ఈ ప్రశ్నలపై చిత్ర బృందం ఓ క్లారిటీ ఇచ్చింది.
ఇందులో వెంకీ కేవలం నాలుగు నిమిషాల మాత్రమే కనిపిస్తారని స్పష్టం చేసింది. క్యారెక్టర్ గురించి చెప్పలేదు గానీ పవన్‌తో కలిసి యాక్షన్ సన్నివేశంలో నటించారని తెలిపింది. ఈ సన్నివేశం షూటింగ్‌ కోసం వెంకీ మూడు రోజుల కాల్‌షీట్లు కేటాయించారని వివరించింది. 2015లో వచ్చిన “గోపాల గోపాల” చిత్రంలో వవన్‌, వెంకీ కలిసి నటించారు. ఇప్పుడు వారిద్దరూ ఈ చిత్రంలో కాసేపు కలిసి ఎంటర్టైన్ చేయనున్నారు. ఈ చిత్రం కోసం పవన్ కళ్యాణ్ పాడిన “కొడకా కోటేశ్వరరావ” పాట టీజర్ నేడు రిలీజ్ అయి ఆసక్తిని పెంచింది. ఈ సాంగ్ ఈనెల 31 న రిలీజ్ కానుంది. ట్రైలర్ జనవరి 5 న విడుదల కానుంది. ఇవి ఎన్ని రికార్డులను కొల్లగొడుతుందో చూడాలి.
