Venkatesh: సినిమా హిట్‌ కాకపోయినా.. ఛాన్స్‌ వచ్చిందా?

ఫ్యామిలీ సినిమాలు అంటే వెంకటేశ్‌.. వెంకీ అంటే ఫ్యామిలీ సినిమాలు. అలాంటి కథలు ఏమైనా వస్తే ఆయన అస్సలు వదలడు అంటారు. అలా అని వచ్చిన ప్రతి ఫ్యామిలీ కథ చేసుకుంటూ పోరు. ఆయన వదిలేశాడు అంటే ఆ సినిమాలో ఏదో సమస్య ఉందనే. ఇటీవల శర్వానంద్‌ ఈ ఫలితాన్ని చూశారు కూడా. అయితే వెంకీకి ఓ ఫ్యామిలీ కథ నచ్చిందంట. దీంతో కొత్త దర్శకుడు అని కూడా చూడకుండా ఆ కథను ఓకే చేసేశారు అని అంటున్నారు.

ఆ దర్శకుడే ‘స్వాతిముత్యం’ సినిమాతో దర్శకుడిగా తెరంగేట్రం చేసిన లక్ష్మణ్ కె కృష్ణ. తొలి సినిమా ఆశించిన విజయం అందుకోకపోయినా.. ఫ్యామిలీ బ్యాగ్రౌండ్‌ కథలను బాగా డీల్‌ చేయగలడని నిరూపించుకున్నాడు. ఈ క్రమంలో ‘స్వాతిముత్యం’ కొంతమంది ఫ్యామిలీ ఆడియన్స్‌కు నచ్చిందని కూడా అంటారు. ఇదంతా పక్కన పెడితే లక్ష్మణ్‌ కె.కృష్ణ ఇటీవల వెంకటేశ్‌కు కథ చెప్పారని టాక్‌ నడుస్తోంది. ఆయన తన తర్వాతి సినిమాగా లక్ష్మణ్‌తో సినిమా ప్లాన్ చేస్తున్నట్లు వార్తలు వస్తున్నాయి.

లక్ష్మణ్ కె కృష్ణ చెప్పిన కథ బాగా నచ్చడంతో వెంకటేష్ గ్రీన్ సిగ్నల్ ఇచ్చాడని అంటున్నారు. వెంకీకి ఆ సినిమా అంతగా నచ్చడానికి కారణం.. ఆ సినిమా పక్కా ఫ్యామిలీ అండ్ కామెడీ డ్రామా అని సమాచారం. భార్యాభర్తల మధ్య నడిచే ఎమోషనల్ డ్రామా నేపథ్యంలో లక్ష్మణ్‌ ఆ కథను రాసుకున్నారని అంటున్నారు. మిస్ అయిపోయిన భార్య కోసం.. ఓ భర్త పడే తపన, ఆవేదన ఆ సినిమాలో కీలకంగా ఉంటుందని భోగట్టా.

అయితే, ఈ ఎమోషనల్ డ్రామాలో మంచి ఫన్ కూడా ఉంటుందట. వెంకటేశ్‌ నెక్స్ట్‌ సినిమా ఇదేనంటూ గత కొన్ని రోజులుగా చాలా పేర్లు వినిపిస్తున్నాయి. అయితే దేనిపైనా క్లారిటీ రావడం లేదు. మరి ఇప్పుడు లక్ష్మణ్ కె కృష్ణ సినిమా అయినా ఓకే అవుతుందా లేదా అనేది చూడాలి. ఒకవేళ ఓకే అయితే వెంకీ మార్క్‌ ఎక్స్‌ప్రెషన్స్‌కి లక్ష్మణ్‌ కామెడీ కలిస్తే అదుర్స్‌ అని చెప్పొచ్చు.

జిన్నా సినిమా రివ్యూ& రేటింగ్!

Most Recommended Video

ఓరి దేవుడా సినిమా రివ్యూ & రేటింగ్!
ప్రిన్స్ సినిమా రివ్యూ & రేటింగ్!
అత్యధిక కేంద్రాల్లో సిల్వర్ జూబ్లీ ప్రదర్శించబడిన సినిమాల లిస్ట్ ..!
v