నటుడి కెరీర్‌లో 25, 50, 75, 100వ సినిమాలు ఎప్పుడూ స్పెషలే. ఇలాంటి స్పెషల్‌ సినిమాను రీసెంట్‌గా అనౌన్స్ చేశాడు విక్టరీ వెంకటేశ్‌. తన 75వ సినిమాగా ‘సైంధవ్‌’ అనే సినిమాను చేస్తున్నట్లు ప్రకటించారు. పాన్‌ ఇండియా లెవల్‌లో ఈ సినిమా రాబోతోందని కూడా చెప్పారు. ‘హిట్‌’ దర్శకుడు శైలేష్ కొలను ఈ సినిమాను తెరకెక్కిస్తారు. అయితే ఇక్కడే ఓ డౌట్‌.. గతంలో ఎప్పుడో 75వ సినిమాను త్రివిక్రమ్ చేస్తారు అని చెప్పడం.
అవును కొన్నేళ్ల క్రితం ఈ మాట బయటకు వచ్చింది. కానీ ఇప్పుడు వేరే దర్శకుడు వచ్చారు. వెంకీ కెరీర్‌లో మైలు రాయి లాంటి సినిమాను కుర్ర దర్శకుడికి ఇవ్వడం ఏంటి? ఇప్పటివరకు పెద్ద హీరోలను హ్యాండిల్‌ చేసిన అనుభవం లేని వ్యక్తికి ఇంత పెద్ద సినిమా ఇవ్వడమా అని అనుకుంటున్నారు. అయితే వెంకీ 75వ సినిమా తొలుత త్రివిక్రమ్ దగ్గరకు వచ్చింది. అప్పుడెప్పుడో వెంకటేష్‌కి త్రివిక్రమ్ ఓ లైన్ కూడా చెప్పి ఫిక్స్ చేసుకున్నారు.
ఈ మేరకు సినిమా అనౌన్స్ కూడా చేశారు. కానీ ఇప్పుడు శైలేష్ కొలను సినిమా అనౌన్స్ అయ్యింది. దీంతో త్రివిక్రమ్ సినిమా ఏమైంది అనే ప్రశ్న వినిపిస్తోంది. త్రివిక్రమ్ రచయితగా ఉన్నప్పుడు వెంకటేశ్‌తో చాలా సినిమాలు చేశారు. సురేశ్‌ ప్రొడక్షన్స్‌కు ఆయన బాగా దగ్గర. ఈ నేపథ్యంలో సురేశ్‌బాబు అనుకుంటే వెంకీ – త్రివిక్రమ్ ప్రాజెక్ట్‌ కుదరడం పెద్ద విషయం కూడా కాదు. కానీ ఏమైందో ఏమో ఈ ప్రాజెక్ట్‌ ముందుకు వెళ్లలేదు.
దీనికి కారణం త్రివిక్రమ్ వరుసగా పెద్ద సినిమాలతో ఫుల్ బిజీ అయిపోవడమే అంటున్నారు. దీంతో త్రివిక్రమ్ సినిమా తర్వాత ఇప్పటికే చాలా గ్యాప్‌ వచ్చిందని… శైలేష్ కొలనుకు వెంకీ 75వ సినిమా ఇచ్చారట. అన్నట్లు ఇప్పుడు శైలేష్ కొలను రెడీ చేసిన ‘సైంధవ్‌’ గ్లింప్స్‌తో వెంకీ ఫ్యాన్స్ ఫుల్ ఖుష్‌లో ఉన్నారట. కానీ ఎప్పటినుండో వెంకీ, త్రివిక్రమ్ కాంబో కోసం ఎదురుచూస్తున్న వారి కోరిక తీరలేదు అనేదే ఒక బాధ.
వీరసింహారెడ్డి సినిమా రివ్యూ & రేటింగ్!
వాల్తేరు వీరయ్య సినిమా రివ్యూ & రేటింగ్!
‘ఆంధ్రావాలా’ టు ‘అజ్ఞాతవాసి’ .. సంక్రాంతి సీజన్లో మర్చిపోలేని డిజాస్టర్ గా సినిమాల లిస్ట్..!
తలా Vs దళపతి : తగ్గేదేలే సినిమా యుద్ధం – ఎవరిది పై చేయి?
