వెంకీ-రానా.. కాంబో సెట్ అయినట్లే!

టాలీవుడ్ హీరోలు వెంకటేష్, రానా.. వీరిద్దరి కాంబినేషన్ లో సినిమా ఎప్పుడు వస్తుందని దగ్గుబాటి అభిమానులు చాలా కాలంగా ఎదురుచూస్తున్నారు. ఇండస్ట్రీలో కూడా ఈ కాంబినేషన్ పై పలు చర్చలు నడుస్తున్నాయి. రీసెంట్ రానా కూడా.. బాబాయ్ కి తనకు సరిపడే కథ సిద్ధంగా ఉందని.. త్వరలోనే ఆ వివరాలను వెల్లడిస్తానని అన్నారు. దీంతో వీరి కాంబినేషన్ లో ప్రాజెక్ట్ సెట్ అయిందనే క్లారిటీ వచ్చేసింది. అయితే అందరూ అనుకుంటున్నట్లుగా వెంకీ, రానా కలిసి సినిమా చేయడం లేదు.

ఓ వెబ్ సిరీస్ చేయడానికి రెడీ అవుతున్నట్లు సమాచారం. రానాకి దొరికిన కథ కూడా వెబ్ సిరీస్ కి సంబంధించిందని తెలుస్తోంది. అంతర్జాతీయ స్థాయిలో ఓ వెబ్ సిరీస్ చేయాలని రానా ఎప్పటినుండో అనుకుంటున్నాడు. దానికి సంబంధించిన కథలు కూడా వింటున్నాడు. ఎట్టకేలకు ఓ కథను సెట్ చేసుకున్నట్లు తెలుస్తోంది. ఈ కథలో మరో కీలకమైన పాత్రకి కూడా చోటు ఉండడంతో.. ఆ పాత్రని వెంకీ కోసం డిజైన్ చేసినట్లు తెలుస్తోంది.

ప్రస్తుతం ఈ సిరీస్ ని హ్యాండిల్ చేయగలిగే దర్శకుడి కోసం చూస్తున్నారు. రానా, వెంకీలను అభిమానులు వెండితెరపై చూడాలనుకుంటుంటే వీరు మాత్రం వెబ్ సిరీస్ తో సరిపెట్టేయాలని చూస్తున్నారు. కనీసం భవిష్యత్తులోనైనా ఇద్దరూ కలిసి సినిమా చేస్తారేమో చూడాలి. ప్రస్తుతం రానా పలు ప్రాజెక్ట్ లతో బిజీగా ఉన్నారు. వెంకీ కూడా ‘ఎఫ్ 3’ సినిమా కోసం సిద్ధమవుతున్నారు.

Most Recommended Video

ఆకాశం నీ హద్దు రా సినిమా రివ్యూ & రేటింగ్!
‘బిగ్ బాస్ 4’ లో ఎవరి పారితోషికం ఎంత.. ఎక్కువ ఎవరికి..?
50 కి దగ్గరవుతున్నా.. పెళ్లి గురించి పట్టించుకోని హీరొయిన్ల లిస్ట్..!