మెగాస్టార్ చిరంజీవి సీమ బ్యాక్ డ్రాప్ లో సినిమా చేయబోతున్నారా..? అంటే అవుననే సమాధానాలు గట్టిగా వినిపిస్తున్నాయి. పూర్తి వివరాల్లోకి వెళితే.. మెగాస్టార్ చిరంజీవి ఈ మధ్యకాలంలో వరుస సినిమాలు ఒప్పుకుంటున్నారు. ‘సై రా నరసింహారెడ్డి’ తరువాత వెంటనే సినిమా మొదలుపెట్టిన చిరు.. ఇప్పుడు ఐదారు సినిమాలను లైన్ లో పెట్టారు. కొరటాల శివ దర్శకత్వంలో చిరు రూపొందించిన ‘ఆచార్య’ సినిమా విడుదలకు సిద్ధంగా ఉంది.
ఈ సినిమా రిలీజ్ అవుతుండగానే మరో మూడు సినిమాలను సెట్స్ పైకి తీసుకొచ్చారు చిరు. మలయాళంలో మోహన్ లాల్ నటించిన బ్లాక్ బస్టర్ సినిమా ‘లూసిఫర్’ను తెలుగులో ‘గాడ్ ఫాదర్’గా రీమేక్ చేస్తున్నారు. దీన్ని మోహన్ రాజా డైరెక్ట్ చేస్తున్నారు. అలానే బాబీ రూపొందించనున్న హైవోల్టేజ్ యాక్షన్ సినిమాలో నటిస్తున్నారు చిరు. తమిళ సినిమా ‘వేదాలం’ సినిమా ఆధారంగా ఈ సినిమాను రూపొందిస్తున్నారు.
దీనికి ‘భోళాశంకర్’ అనే టైటిల్ ను ఫిక్స్ చేశారు. ఇందులో కీర్తి సురేష్.. చిరుకి చెల్లెలిగా నటిస్తోంది. ఈ సినిమాలన్నీ షూటింగ్ దశలో ఉండగా.. వెంకీ కుడుములతో మరో సినిమా ఒప్పుకున్నారు చిరు. డీవీవీ దానయ్య ఈ సినిమాను నిర్మించనున్నారు. ఇప్పటికే చిరుకి స్టోరీ లైన్ వినిపించినట్లు తెలుస్తోంది. అందుతున్న సమాచారం ప్రకారం.. రాయలసీమ నేపథ్యంలో ఆసక్తికరమైన కథను సిద్ధం చేస్తున్నారని తెలిసింది.
సీమ నేపథ్యంలో సాగే ఈ సినిమా ఫ్యాక్షన్ చిత్రాల పంథాలో కాకుండా .. ఫుల్ కామెడీ అంశాలతో సాగనుందని తెలుస్తోంది. ఈ సినిమాలో మెగాస్టార్ చిరంజీవి ఇన్ స్టాగ్రామ్ ఇన్ఫ్లుయెన్సర్ గా కనిపిస్తారట. చిరు గత సినిమాలతో పోలిస్తే.. పూర్తి భిన్నంగా ఈ సినిమా ఉంటుందని చెబుతున్నారు. రీసెంట్ గానే స్క్రిప్ట్ పనులు మొదలుపెట్టారు వెంకీ కుడుముల. త్వరలోనే సినిమా సెట్స్ పైకి వెళ్లనుంది.
Most Recommended Video
ఖిలాడి సినిమా రివ్యూ & రేటింగ్!
సెహరి సినిమా రివ్యూ & రేటింగ్!
10 మంది పాత దర్శకులితో ఇప్పటి దర్శకులు ఎవరు సరితూగుతారంటే..!
Home