మెగాస్టార్ చిరంజీవి హీరోగా తెరకెక్కబోతున్న ‘సైరా నరసింహారెడ్డి’ చిత్రం గాంధీజయంతి సందర్భంగా అక్టోబర్ 2న విడుదల కాబోతుంది. అయితే ‘సైరా’ గనుక ఆ టైములో రాకపోతే ఆ డేట్ ని క్యాష్ చేసుకోవాలని ‘వెంకీమామ’ టీం. ఒక వేళ ‘సైరా’ వచ్చినా అక్టోబర్ 8న విడుదల చేసి దసరా సెలవులని క్యాష్ చేసుకోవాలనుకున్నారు. అయితే ‘సైరా’ టీజర్ విడుదల అయ్యాక ఆ నిర్ణయాన్ని మార్చుకున్నట్టు సమాచారం. అవును ‘వెంకీమామ’ రిలీజ్ డేట్ ను వాయిదా వేశారట.
అందుతున్న సమాచారం ప్రకారం… ‘వెంకీమామ’ చిత్రాన్ని దీపావళి వీకెండ్ కు విడుదల చేయబోతున్నారట. అంటే అక్టోబర్ 25న ‘వెంకీమామ’ చిత్రాన్ని విడుదల చేయబోతున్నారని తెలుస్తుంది. అంటే ‘సైరా’ సినిమాకి, ‘వెంకీమామ’ సినిమాల రిలీజ్ కి మధ్య మూడు వారాలకు పైగా గ్యాప్ ఉండబోతుందట. ‘పవర్’ ఫేమ్ బాబీ డైరెక్షన్లో తెరకెక్కుతోన్న ఈ చిత్రం ‘వెంకీమామ’ చిత్రంలో వెంకటేష్, నాగచైతన్య కలిసి నటిస్తున్నారు. నిజ జీవితంలో మామా అల్లుళ్ళయిన వీరు వెండితెర పై ఎంత రచ్చ చేయబోతున్నారో చూడాలనే ఆసక్తి అందరిలోనూ ఉంది. గతంలో ‘ప్రేమమ్’ సినిమాలో కూడా కాసేపు ఈ మామా అల్లుళ్ళు సందడి చేసిన సంగతి తెలిసిందే. మరి సినిమా మొత్తం వీళ్ళు ఎంత సందడి చేస్తారో చూడాలి..!
