అత్యధిక రీమేక్ సినిమాల్లో నటించిన కథానాయకుడిగా తనకంటూ ఓ ప్రత్యేకమైన గుర్తింపు సంపాదించుకొన్న నటుడు వెంకటేష్. త్వరలో హిందీ సినిమా “సాలా ఖద్దూస్” రీమేక్ లో నటించేందుకు సన్నద్ధమవుతున్న వెంకటేష్.. మరో రీమేక్ లో నటించేందుకు అంగీకరించాడని తెలుస్తోంది.
తమిళంలో సముద్రఖని కీలకపాత్ర పోషించడంతోపాటు.. దర్శకత్వం వహించిన చిత్రం “అప్పా”. తండ్రీ కొడుకుల అనుబంధం నేపధ్యంలో సాగే స్వచ్చమైన చిత్రంగా తెరకెక్కిన ఈ చిత్రాన్ని తెలుగులో రీమేక్ చేసేందుకు పలువురు ప్రయత్నించగా.. చివరికి సదరు అవకాశాన్ని వెంకీ దక్కించుకొన్నట్లు తెలుస్తోంది.
మరి ఈ సినిమా తెలుగు వెర్షన్ కు ఎవరు దర్శకత్వం వహిస్తారు? ఎవరు నిర్మిస్తారు? అనే విషయం తెలియాల్సి ఉంది!
