వెంకీతో అనిల్ రావిపూడి చిత్రం ఖరారు

హ్యాట్రిక్ డైరెక్టర్ అనిల్ రావిపూడి “రాజా ది గ్రేట్” సక్సెస్ అనంతరం యంగ్ డైరెక్టర్స్ లిస్ట్ నుంచి స్టార్ డైరెక్టర్స్ కేడర్ కి జంప్ అయ్యాడు. దాంతో అప్పటివరకూ కేవలం యంగ్ హీరోస్ మాత్రమే ఎంకరేజ్ చేసిన అనిల్ రావిపూడికి అగ్ర హీరోల నుంచి కూడా పిలుపులు మొదలయ్యాయ్. యంగ్ టాలెంట్ ను ఎంకరేజ్ చేస్తూ.. సరికొత్త కథలను ప్రయోగాలను ఎంకరేజ్ చేసే విక్టరీ వెంకటేష్ మొన్నామధ్య అనిల్ రావిపూడికి ఫోన్ చేసి మంచి స్క్రిప్ట్ ఉంటే తీసుకురా అన్నాడట. డైరెక్ట్ గా వెంకీ కాల్ చేసేప్పటికి తన దగ్గరున్న బెస్ట్ స్క్రిప్ట్స్ రెండుమూడు వెంకీ వద్దకు తీసుకెళ్లాడట అనిల్ రావిపూడి. అందులో ఒక మల్టీస్టారర్ స్టోరీని ఒకే చేశాడట వెంకటేష్.

దాంతో.. ప్రస్తుతం వెంకీ ఒకే చేసిన స్టోరీలైన్ ను కంప్లీట్ బౌండెడ్ స్క్రిప్ట్ గా మార్చే పనిలో పడ్డాడట అనిల్. ఈ చిత్రానికి “F2” (ఫన్ & ఫ్రస్టేషన్) అనే వర్కింగ్ టైటిల్ ను కూడా ఫిక్స్ చేసి.. వెంకీతో కలిసి నటించే యంగ్ హీరో కోసం సెర్చింగ్ లో పడ్డాడట. అన్నీ అనుకున్నట్లుగా జరిగితే డిసెంబర్ లో లాంఛనంగా షూటింగ్ ప్రారంభించి జనవరి లేదా ఫిబ్రవరి నుండి రెగ్యులర్ షూట్ మొదలెట్టేందుకు అనిల్ ప్లానింగ్ చేసుకొంటున్నాడట. ఈ చిత్రాన్ని దిల్ రాజు నిర్మించే అవకాశాలున్నాయి.