సినీ పరిశ్రమలో విషాదం.. ప్రముఖ నటి కన్నుమూత.!

సినీ పరిశ్రమలో విషాదాల సంఖ్య తగ్గడం లేదు. 2024 లో ఇప్పటికే ఎస్.కె.ఎన్  (Sreenivasa Kumar Naidu) తండ్రి, సీనియర్ హీరో వేణు (Venu Thottempudi) తండ్రి, దర్శకుడు అలాగే బిగ్ బాస్ కంటెస్టెంట్ అయిన సూర్య కిరణ్ (Surya Kiran), ‘మొగలిరేకులు’ ఫేమ్ పవిత్ర నాథ్, త్రినాథ్ రావు నక్కిన (Trinadha Rao Nakkina) తండ్రి నక్కిన సూర్యారావు.. వంటి వారు మరణించిన సంగతి తెలిసిందే. తెలుగు సినీ పరిశ్రమలోనే కాదు మలయాళ, తమిళ, కన్నడ, హిందీ, హాలీవుడ్.. సినీ పరిశ్రమలకి చెందిన ప్రముఖుల మరణవార్తలు సైతం మనం వింటూనే ఉన్నాం.

ఈ షాక్..ల నుండి సినీ పరిశ్రమ ఇంకా కోలుకోకుండానే మరో సీనియర్ నటి మృతి చెందింది. వివరాల్లోకి వెళితే.. మలయాళ నటి కనకలత ఈరోజు కన్నుమూశారు. కొన్నాళ్లుగా ఆమె పార్కిన్సన్స్ అలాగే మతిమరుపు వంటి వ్యాధులతో బాధపడుతుంది. వీటి వల్ల డిప్రెషన్ కి లోనయ్యి ఆమె కన్నుమూసినట్టు సమాచారం. 22 ఏళ్ళ వయసులో వివాహం చేసుకున్న ఆమె.. 16 ఏళ్ళ పాటు భర్తతో కలిసి బాగానే జీవించింది. కానీ ఆ తర్వాత మనస్పర్థలు రావడంతో విడాకులు తీసుకుంది.

అప్పటి నుండి ఆమె సోదరి విజయమ్మతో కలిసి జీవిస్తుంది. ఆమెకు ఎలాంటి సంతానం లేకపోవడం గమనార్హం. ఇక కనకలత సీరియల్స్ తో పాటు దాదాపు 300కు పైగా సినిమాల్లో నటించారు.ఒంటరితనం, అనారోగ్య సమస్యలు తలెత్తడం వల్ల ఈమె సినిమాలకు దూరమైంది. ఈమె మరణం సినీ పరిశ్రమకు తీరని లోటు అని అక్కడి సినీ ప్రముఖులు అభిప్రాయపడుతున్నారు.