Vijay Antony: ‘హత్య’పై ఆశలు పెట్టుకున్న విజయ్ ఆంటోనీ!

కొన్నేళ్లక్రితం ఎలాంటి అంచనాలు లేకుండా విడుదలైన ‘బిచ్చగాడు’ సినిమా భారీ విజయాన్ని అందుకుంది. ఈ సినిమా తెలుగు రైట్స్ ను యాభై లక్షలకు కొనుగోలు చేస్తే రూ.20 కోట్లకు పైగా కలెక్షన్స్ ను సాధించింది. అప్పట్లో ఈ సినిమా సక్సెస్ ఓ సంచలనం. ఒక్కరోజులోనే విజయ్ ఆంటోనీ మార్కెట్ అమాంతం పెరిగిపోయింది. అతడి సినిమాలను యూట్యూబ్ లో వెతికి మరీ చూశారు.

అతడికి వచ్చిన క్రేజ్ చూసి తదుపరి సినిమాలను ఎగబడి మరీ కొన్నారు బయ్యర్లు. కానీ ‘బిచ్చగాడు’ రేంజ్ సక్సెస్ మాత్రం రాలేదు. వరుసగా అన్నీ ప్లాప్ లు పడడంతో విజయ్ మార్కెట్ బాగా డౌన్ అయిపోయింది. తెలుగుతో పాటు తమిళంలో కూడా అదే పరిస్థితి. అయినప్పటికీ అతడికి అవకాశాలు మాత్రం బాగానే వస్తున్నాయి. ప్రస్తుతం అతడి చేతిలో మొత్తం ఏడు సినిమాలు ఉన్నాయి. అందులో మూడు సినిమాలు షూటింగ్ పూర్తి చేసుకోగా.. మరో నాలుగు నిర్మాణంలో ఉన్నాయి.

ఈ సినిమాలో ఏది ముందు వస్తుందో.. ఏది ఆలస్యమవుతుందో చెప్పలేని పరిస్థితి. ఇదిలా ఉండగా.. ఇప్పుడు ‘హత్య’ సినిమాతో ప్రేక్షకులను అలరించబోతున్నారు విజయ్. రీసెంట్ గా సినిమా ట్రైలర్ ను విడుదల చేశారు. ఇందులో రితికా సింగ్, మురళీ శర్మ లాంటి ఆర్టిస్ట్ లు ఉన్నారు. రాధికా శరత్ కుమార్ కి కూడా స్పెషల్ రోల్ ఇచ్చినట్లు ఉన్నారు. ఒక హీరోయిన్ మర్డర్ చుట్టూ తిరిగే స్టోరీ ఇది.

హాలీవుడ్ సినిమా ‘ది ఎక్స్ పోజ్’ ఆధారంగా సినిమాను రూపొందిస్తున్నారు. ఈ సినిమా కోసం తన లుక్ ని మార్చుకున్నారు విజయ్. వయసైపోయి, నెరిసిన జుట్టుతో కనిపిస్తున్నారు. కథ ప్రకారం.. ఇన్వెస్టిగేటివ్ కమ్ డిటెక్టివ్ ఆఫీసర్ గా కనిపించబోతున్నారు విజయ్. మరి ఈ సినిమాతోనైనా విజయ్ కి సక్సెస్ వస్తుందేమో చూడాలి!

‘సీతా రామం’ చిత్రానికి సంబంధించి బెస్ట్ డైలాగ్స్..!

Most Recommended Video

తరుణ్,ఎన్టీఆర్ టు కళ్యాణ్ రామ్.. సినిమాల్లో చనిపోయే పాత్రలు చేసిన స్టార్లు..!
చేయని తప్పుకి శాస్త్రవేత్తపై దేశద్రోహి కేసు..!
క్రేజీ ప్రాజెక్టులు పట్టేసిన 10 మంది కొత్త డైరెక్టర్లు.. హిట్లు కొడతారా?