తెలుగు చిత్ర పరిశ్రమలోకి అడుగుపెట్టకముందే హీరోయిన్ రష్మికకి తోటి నటుడు రక్షిత్ తో నిశ్చితార్ధం అయింది. మంచి ముహూర్తం చూసి పెళ్లి చేసుకోవాలనుకున్నారు. కానీ ఇద్దరి మధ్య ఎటువంటి అభిప్రాయభేదాలు వచ్చాయో తెలియదుగానీ విడిపోయారు. ఎందుకు బ్రేకప్ అనేది బయటికి చెప్పకుండా హుందాగా నిశ్చితార్ధం రద్దు చేసుకున్నారు. ఆ విషయాన్ని మీడియాతో స్పష్టంగా చెప్పారు. అయితే ఈ బ్రేకప్ గీత గోవిందం సినిమా సమయంలో జరగడం అనేక రూమర్స్ చక్కర్లు కొట్టాయి. విజయ్ దేవరకొండతో రష్మిక లిప్ కిస్ ఇవ్వడం వల్లే గొడవలు మొదలయ్యాయని వార్తలు షికారు చేసాయి. దీంతో వీరి బ్రేకప్ విషయంలో విజయ్ దేవరకొండ కీలక పాత్ర పోషించాడు. ‘నోటా’ ప్రమోషన్స్ కోసం విజయ్ తాజాగా బెంగుళూరు వెళ్లాడు.
ఈ సందర్భంగా రష్మిక, రక్షిత్శెట్టిల బ్రేకప్ గురించి విజయ్ను ప్రశ్నించగా అసలు విషయం చెప్పారు. ‘‘ఆమెతో నటించడం నాకు చాలా ఆనందాన్నిచ్చింది. కానీ వేరే విషయాలు మాట్లాడి ఎంటర్టైన్ చేయడం వలన.. ఆ విషయాలు వారిని బాధిస్తాయి. వారిద్దరూ ఎంత బాధను అనుభవించారో నాకు పర్సనల్గా తెలుసు. వారు ఈ విషయాల నుంచి బయటపడేందుకు కాస్త సమయమివ్వండి ” అని మీడియాను విజయ్ కోరాడు. ఇంకా మాట్లాడుతూ… “వారి బ్రేకప్ విషయం గురించి నా బదులుగా రష్మిక, రక్షిత్ మాట్లాడితే బాగుంటుంది” అని స్పష్టం చేశారు. సున్నితమైన అంశాలపై సమయస్ఫూర్తితో వ్యవహరించి విజయ్ మరింతమంది అభిమానాన్ని పొందాడు.
