Vijay Devarakonda, Rashmika: విజయ్- రష్మిక …మళ్ళీ దొరికేశారు.. ఈసారి క్లారిటీ వచ్చేసినట్టేనా..!

విజయ్ దేవరకొండ- రష్మిక మందన ల మధ్య ఏముంది అనే విషయంపై ఇంకా క్లారిటీ రాలేదు. వాళ్ళైతే ఫ్రెండ్ షిప్ అంటున్నారు. కానీ ఇంకా ఏదో జరుగుతుంది అనేది అందరి మాట. వీళ్లకు పాన్ ఇండియా ఇమేజ్ కూడా వచ్చింది కాబట్టి… బీటౌన్ వీళ్ళ గురించి వాయించేసింది. షూటింగ్లు ముగిసాక ఇద్దరూ కలిసి ముంబై రోడ్ల పై తెగ తిరుగుతున్నారని.. ఇద్దరూ ఒకే హోటల్లో ఉంటున్నారని చాలా కథనాలు ప్రచురించారు. అప్పటివరకు వీళ్ళ గురించి టాలీవుడ్ మీడియా కానీ కన్నడ మీడియా కానీ కాన్సన్ట్రేట్ చేయలేదు.

నిజానికి కాన్సెంట్రేట్ చేసే అవకాశం కూడా విజయ్ – రష్మిక ఇవ్వలేదు. వీరు విచ్చల విడిగా టూర్లకు వెళ్లి అక్కడి ఫోటోలతో దొరికిపోయేవారు. ఇక విజయ్ ఇంటికి రష్మిక తరచూ వస్తూ వెళ్తూ ఉంటుంది. మొన్ననే వీరిద్దరూ కలిసి మాల్దీవులకు వెళ్లినట్టు హింట్ ఇచ్చింది. అది అలా ఉండగానే.. ఇటీవల దుబాయ్ వెళ్లి మళ్ళీ దొరికిపోయారు విజయ్ దేవరకొండ,రష్మిక. విజయ్ తన ఫ్యామిలీతో కలిసి అక్కడికి వెళ్తే అందులో రష్మిక కూడా ఉంది.

విజయ్ ఫ్యామిలీతో కలిసి ఆమె దిగిన ఫోటోలు సోషల్ మీడియాలో వైరలవుతున్నాయి. ఇప్పటివరకు ప్రేక్షకులకు ఓ అనుమానం మాత్రమే ఉండేది. కానీ ఈ ఫొటోలతో రష్మిక – విజయ్ ల గురించి మరిన్ని ఊహాగానాలు వ్యక్తమవుతున్నాయి. విజయ్- రష్మిక ల అభిమానులు కూడా ఇది నిజమే అని ఓ క్లారిటీ ఇచ్చేస్తే బాగుంటుంది అని అభిప్రాయపడుతున్నారు. మరి విజయ్ – రష్మిక మనసులో ఇంకా ఏముందో చూడాలి.