మరోసారి కలిసి నటించనున్న విజయ్, షాలిని పాండే

అర్జున్ రెడ్డి సినిమాలో విజయ్ దేవరకొండ, షాలిని పాండే ల మధ్య కెమిస్ట్రీ బాగా వర్కవుట్ అయింది. నిజమైన ప్రేమికులుగా మెప్పించారు. వారి రొమాంటిక్ సన్నివేశాలు సినిమాకి కలక్షన్ల వర్షం కురిపించింది. ఆ తర్వాత వీరిద్దరూ మహానటి సినిమాలో కనిపించనున్నారు. అయితే అవి అలనాటి మేటి తారల రోల్స్ కాబట్టి రొమాన్స్ కి ఛాన్స్ లేదు. పైగా చిన్న రోల్స్ అవి. తాజాగా వీరిద్దరూ మరో సినిమాలో కలిసి నటించనున్నట్లు తెలిసింది. ప్రస్తుతం విజయ్ దేవరకొండ గీతా ఆర్ట్స్‌ 2 బ్యానర్‌ లో సినిమా చేస్తున్నారు. శ్రీరస్తు శుభమస్తుతో హిట్‌ కొట్టిన పరశురామ్‌ ఈ చిత్రానికి దర్శకత్వం వహిస్తున్నారు.

పూర్తి ఫ్యామిలీ ఎంటర్‌టైన్‌మెంట్‌గా తెరకెక్కుతున్న సినిమాపై ఆసక్తి నెలకొని ఉంది. త్వరలో ఫస్ట్ లుక్ రిలీజ్ కానుంది. ఇక షాలిని పాండే కోలీవుడ్ లో 100 పర్సెంట్ రీమేక్ లో నటిస్తోంది. మరో రెండు ప్రాజక్ట్స్ కూడా చేతిలో ఉన్నాయి. అయితే ఆ రెండింటికంటే విజయ్ దేవరకొండ తో నటించే మూవీ ముందుగా మొదలుకాన్నట్లు తెలిసింది. ప్రీ ప్రొడక్షన్ వేగంగా జరుపుకున్న ఈ మూవీ విశేషాలు త్వరలో అధికారికంగా ప్రకటించనున్నారు.