తన పెళ్ళి పై స్పందించిన విజయ్ దేవరకొండ..!

సెన్సేషనల్ స్టార్ విజయ్ దేవరకొండ ప్రస్తుతం ‘డియర్ కామ్రేడ్’ చిత్రంతో బిజీగా ఉన్నాడు. భరత్ కమ్మ దర్శకత్వం వహిస్తున్న ఈ చిత్రాన్ని ‘మైత్రీ మూవీ మేకర్స్, బిగ్ బెన్ సినిమాస్’ సంయుక్తంగా నిర్మిస్తుంది. ఇటీవల ఈ చిత్ర షూటింగ్ కాకినాడలో జరిగింది.

తాజాగా ఈ చిత్ర బృందం సరోవర పోర్టు హాల్లో ప్రెస్ మీట్ ను నిర్వహించారు. ఇందులో భాగంగా హీరో విజయ్ దేవరకొండ ఆసక్తికరమైన కామెంట్స్ చేసాడు. కాకినాడలో ఎవరైనా అమ్మాయి నచ్చితే సెకండ్ థాట్ అనేది లేకుండా పెళ్ళి చేసుకుంటానని ఫన్నీగా చెప్పుకొచ్చాడు. అలాగే గోదావరి జిల్లాలలో కోడి పందేలు బాగా జరుగుతాయని విన్నానని కానీ ఎప్పుడూ చూడలేదని, అవకాశం వస్తే చూడాలని కోరిక ఉందని అన్నాడు. కాకినాడ, అన్నవరం, రాజమండ్రి చాలా బాగున్నాయి అలాగే మా షూటింగ్ కూడా ఎలాంటి ఆటంకాలు రాకుండా జరగడం చాలా ఆనందంగా ఉందన్నాడు. ఈ చిత్ర షూటింగ్ కోసం నెలరోజులు ఇక్కడ గడపడంతో ఈ ఏరియాతో మంచి బంధం ఏర్పడిందని ఎమోషనల్ అయ్యాడు. ఇక్కడ సముద్రం చూస్తూ చాలా ఎంజాయ్ చేసాడట. ఇక ఈ చిత్రంలో విజయ్ సరసన రష్మిక మందన హెరాయిన్ గా నటిస్తుండగా.. 2019 సమ్మర్ కానుకగా ఈ చిత్రాన్ని విడుదల చేయడానికి చిత్ర యూనిట్ ప్లాన్ చేస్తుంది.