గీత గోవిందం సినిమాలో విజయ్ దేవరకొండ, రష్మిక లు నిజమైన ప్రేమికులుగా నటించి మెప్పించారు. పరుశురామ్ దర్శకత్వంలో తెరకెక్కిన ఆ మూవీ వందకోట్లు వసూలు చేయడానికి హీరో, హీరోయిన్స్ మధ్య కెమిస్ట్రీ ప్రధాన కారణమని సినీ విశ్లేషకులు స్పష్టం చేశారు. ఈ జంట అంతగా ఆకట్టుకుంది కాబట్టి భరత్ కమ్మ డైరెక్షన్‌లో “డియర్ కామ్రేడ్” అనే మూవీలోను నటిస్తున్నారు. ఇందులో విజయ్ కాకినాడ కుర్రోడిగా కనిపించబోతున్నారు. ఈ చిత్రం షూటింగ్ దశలో ఉంది. అయితే రీసెంట్ గా మిర్చి మ్యూజిక్ అవార్డ్స్ సౌత్ 2017 వేడుకలో కలిశారు. ఈ వేడుకకి విజయ్ హోస్ట్ గా చేశారు. అవార్డుల ప్రధానంలో భాగంగా వేదికపైకి వచ్చిన రష్మికని డ్యాన్స్ చేయమని కోరగా.. కన్నడా పాటకు స్టెప్పులేసింది. ఆమెతో పాటు విజయ్ డాన్స్ వేశారు.
విజయ్ వైట్ సూట్ లో.. రష్మిక బ్లాక్ డ్రస్సులో చాలా క్యూట్ గా కనిపించారు. అయితే ఎంతో ఉత్సాహంగా ఉండే విజయ్.. రష్మిక తో డాన్స్ వేయడానికి సిగ్గుపడ్డారు. అలా డాన్స్ వేయడంతో విమర్శలు వెల్లువెత్తాయి. కర్ణాటక సినీ ప్రేక్షకులు అయితే.. రష్మికని విజయ్ ప్రేమిస్తున్నాడని.. అందుకే సిగ్గుపడ్డాడని కామెంట్స్ చేస్తున్నారు. వారిద్దరి రొమాన్స్ ని ప్రసారం చేయవద్దని.. చూడలేకపోయామని కోరుతున్నారు. తెలుగు అభిమానులు అయితే… విజయ్ నటించిన నోటా ఫెయిల్ అవడంతో అతని బాగా బాధపడ్డారని, అందుకే జోరు తగ్గిందని సమర్థిస్తున్నారు. అసలు విజయ్ ఎందుకు సిగ్గుపడాల్సి వచ్చిందో ఆ ఇద్దరికే తెలియాలి.
Home