తప్పకుండ రీ షూట్ చేయాల్సిందే అంటున్నవిజయ్ దేవరకొండ

హీరో విజయ్ దేవరకొండ ఇటీవలే నటించిన ‘టాక్సీ వాలా’ సినిమా హిట్ టాక్ తెచ్చుకొని మంచి వసూళ్లు సాధిస్తుంది. ‘టాక్సీవాలా’ సినిమా ప్రమోషన్లో భాగంగా ఇచ్చిన ఒక ఇంటర్వూ లో ఒకేసారి రెండు మూడు సినిమాలు చేయడం వలన అన్నింటిపైనా ఫోకస్ సరిగా పెట్టకపోవడం వలన ఆ ప్రభావం సినిమా పైన పడుతుందని, ఇకనుండి ఒకేసారి రెండు సినిమాల్లో నటించకుండా ఒకే సినిమాపైనే ఫోకస్ పెడతాను అంటూ చెప్పాడు. ఇప్పుడు ‘టాక్సీవాలా’ సక్సెస్ తో తాను చేయబోయే తదుపరి సినిమాలపైనే మరింత జాగ్రత్తగా వ్యహరిస్తున్నాడు.

ప్రస్తుతం విజయ్ దేవరకొండ భరత్ కమ్మ దర్శకత్వంలో ‘డియర్ కామ్రేడ్’ అనే సినిమాలో నటిస్తున్నాడు. ఇందులో విజయ్ కి జంటగా రష్మిక నటిస్తుంది. ఈ సినిమా కొంతవరకు షూటింగ్ కూడా కంప్లిట్ చేసుకుంది. అయితే ఇటీవలే హీరో విజయ్ దేవరకొండ సినిమా రషెష్ చూడగా కొన్ని సీన్స్ అనుకున్నంతగా రాలేదని ఆ సీన్స్ అన్ని తీసేసి మళ్ళీ రీ షూట్ చేద్దామని చెప్పాడట. దీంతో సినిమా బాగా రావాలనే ఉద్దేశంతో దర్శక, నిర్మాతలు కూడా విజయ్ చెప్పినదానికి అంగీకరించి బడ్జెట్ విషయంలో వెనుకడుగు వేయకుండా ఆ సీన్స్ ని మళ్ళీ రీ షూట్ చేసే పనిలో ఉన్నారట. మరి కెరియర్ పరంగా మంచి సక్సెస్ లో ఉన్న విజయ్ దేవరకొండ ఈ సినిమాతో ఎలాంటి హిట్ కొడతాడో చూడాల్సిందే.