చిన్న వయస్సులోనే సినిమాల్లోకి నటిగా ఎంట్రీ ఇచ్చిన ఛార్మీ స్టార్ హీరోల సినిమాల్లో అవకాశాలను అందిపుచ్చుకుని స్టార్ హీరోయిన్ గా ఎదిగారు. అయితే వరుసగా విజయాలను సొంతం చేసుకోలేకపోవడం ఆమె కెరీర్ కు మైనస్ గా మారింది. నటిగా ఆఫర్లు తగ్గిన తరువాత ఛార్మీ నిర్మాతగా కెరీర్ ను కొనసాగిస్తున్నారు. ప్రముఖ దర్శకుడు పూరీ జగన్నాథ్ తో కలిసి పూరి కనెక్ట్స్ అనే బ్యానర్ పై ఛార్మీ సినిమాలను నిర్మిస్తున్నారు.
నిన్న ఛార్మీ పుట్టినరోజు కాగా యంగ్ హీరో విజయ్ దేవరకొండ ఛార్మీకి పుట్టినరోజు బహుమతిని పంపారు. ఛార్మీ తన ఇన్ స్టాగ్రామ్ ఖాతా స్టోరీ ద్వారా విజయ్ పంపిన గిఫ్ట్ కు సంబంధించిన వీడియోను పోస్ట్ చేశారు. అయితే విజయ్ దేవరకొండ గిఫ్ట్ పంపినట్లు చెప్పిన ఛార్మీ ఆ గిఫ్ట్ ఏమిటనే విషయాన్ని మాత్రం వెల్లడించకపోవడం గమనార్హం. మరోవైపు కొన్నిరోజుల క్రితం ఛార్మీ పెళ్లికి సంబంధించి వార్తలు తెగ వైరల్ అయ్యాయి.
ఆ వార్తలపై ఛార్మీ స్పందించి పెళ్లిపై తనకు పెద్దగా ఆసక్తి లేదని తేల్చి చెప్పిన సంగతి తెలిసిందే. ప్రస్తుతం ఛార్మీ లైగర్ సినిమా పనులతో బిజీగా ఉన్నారు. ఈ ఏడాదే లైగర్ సినిమా రిలీజ్ కావాల్సి ఉన్నా కరోనా సెకండ్ వేవ్ విజయ్ దేవరకొండ, పూరీ జగన్నాథ్ స్పీడ్ కు బ్రేకులు వేస్తుండటం గమనార్హం. విజయ్ దేవరకొండకు జోడీగా ఈ సినిమాలో బాలీవుడ్ హీరోయిన్ అనన్య పాండే నటిస్తున్నారు. విజయ్ గిఫ్ట్ పంపించారనే సీక్రెట్ చెప్పిన ఛార్మీ ఆ గిఫ్ట్ ఏమిటనే విషయాన్ని కూడా చెబితే బాగుంటుందని ఫ్యాన్స్ కామెంట్లు చేస్తున్నారు.
Most Recommended Video
టాలీవుడ్ స్టార్ హీరోల ఫేవరెట్ ఫుడ్స్ ఇవే..?
ఈ 10 సినిమాల్లో కనిపించని పాత్రలను గమనించారా?
2020 లో పాజిటివ్ టాక్ వచ్చినా బ్రేక్ ఈవెన్ కానీ సినిమాల లిస్ట్..!
Home