2022 సంవత్సరంలో డిస్ట్రిబ్యూటర్లకు, బయ్యర్లకు భారీ స్థాయిలో నష్టాలను మిగిల్చిన సినిమాలలో లైగర్ సినిమా కూడా ఒకటనే సంగతి తెలిసిందే. భారీ అంచనాలతో విడుదలైన ఈ సినిమా తెలుగుతో పాటు ఇతర భాషల్లో కూడా ఆ అంచనాలను అందుకోవడంలో ఫెయిలైంది. అయితే లైగర్ ఫ్లాప్ ఎఫెక్ట్ పూరీ జగన్నాథ్ పై బాగానే పడగా విజయ్ దేవరకొండపై మాత్రం పెద్దగా పడలేదని కామెంట్లు వ్యక్తమవుతూ ఉండటం గమనార్హం. లైగర్ ఫ్లాపైన తర్వాత కూడా విజయ్ దేవరకొండకు
వరుసగా సినిమా ఆఫర్లు వస్తుండగా భాషతో సంబంధం లేకుండా విజయ్ దేవరకొండకు క్రేజ్ ఉండటం, విజయ్ దేవరకొండ సినిమాకు హిట్ టాక్ వస్తే కళ్లు చెదిరే కలెక్షన్లు వచ్చే అవకాశం ఉండటం కూడా ఇందుకు కారణమని తెలుస్తోంది. విజయ్ దేవరకొండ రాజ్ డికె కాంబినేషన్ లో ఒక సినిమా ఫిక్స్ కాగా ఈ సినిమాతో పాటు విజయ్ దేవరకొండ హీరోగా దిల్ రాజు నిర్మాతగా ఒక సినిమా తెరకెక్కనుందని తెలుస్తోంది. విజయ్ దేవరకొండ దిల్ రాజు కాంబో సినిమాకు హరీష్ శంకర్
లేదా ఇంద్రగంటి మోహనకృష్ణలలో ఒకరు డైరెక్షన్ చేసే ఛాన్స్ ఉండగా ఈ ఇద్దరిలో ఎవరు ఫైనల్ అవుతారో చూడాల్సి ఉంది. ఖుషీ సినిమా పూర్తైన తర్వాత విజయ్ దేవరకొండ తర్వాత ప్రాజెక్ట్ ల గురించి క్లారిటీ వచ్చే ఛాన్స్ ఉంది. శివ నిర్వాణ డైరెక్షన్ లో తెరకెక్కుతున్న ఈ సినిమాపై కూడా మంచి అంచనాలే నెలకొన్నాయి. ఈ సినిమాలతో పాటు మై హోమ్ బ్యానర్ లో విజయ్ దేవరకొండ ఒక సినిమా చేయాల్సి ఉండగా ఈ ప్రాజెక్ట్ కు డైరెక్టర్ ఎవరనే ప్రశ్నకు సమాధానం దొరకాల్సి ఉంది.
జనగణమన ప్రాజెక్ట్ కు బదులుగా విజయ్ దేవరకొండ ఈ సినిమాలో నటిస్తున్నారు. మరో రెండేళ్ల వరకు విజయ్ వరుస సినిమాలతో బిజీగా ఉండే ఛాన్స్ అయితే ఉంది. తర్వాత సినిమాల ఫలితాలపైనే విజయ్ కెరీర్ ఆధారపడి ఉందని చెప్పవచ్చు.
Most Recommended Video
భూమా మౌనిక కు ఆల్రెడీ పెళ్లయిందా?
బిగ్ బాస్ కంటెస్టెంట్ రేవంత్ గురించి 10 ఆసక్తికరమైన విషయాలు..!
ఛార్మి మాత్రమే కాదు నిర్మాతలయ్యి భారీగా నష్టపోయిన హీరోయిన్ల లిస్ట్..!
Home