హీరో, డైరక్టర్‌, నిర్మాతల మాటలు ఓ సినిమాకు ఎంత మేలు చేస్తాయో.. అంతే చెడు చేస్తాయి కూడా. సినిమాలో సత్తా లేనప్పుడు ఆ సినిమా గురించి ఇచ్చిన ఓవర్‌ హైప్‌.. సినిమా విడుదలైన తర్వాత బూమరాంగ్‌లా వెనక్కి కొడుతుంది. దీనికి రీసెంట్‌ ఉదాహరణ ‘లైగర్‌’ అని చెప్పొచ్చు. ఈ సినిమా విషయంలో పై ముగ్గురూ ఏం చేశారు అనేది తర్వాత చూస్తే.. ఇప్పుడు డిస్ట్రిబ్యూటర్లు, ఎగ్జిబిటర్లకు డబ్బులు వెనక్కివ్వాల్సి వస్తోంది. దీంతో పూరి జగన్నాథ్‌ నానా బాధలు పడుతున్నారు. అయితే ఇప్పుడు దీనికి ఇంకొకటి యాడ్‌ అయ్యిందా? అవుననే అంటున్నాయి టాలీవుడ్ వర్గాలు.
‘లైగర్‌’ సినిమాకు సంబంధించి ‘దేశాన్ని షేక్‌ చేస్తాం. వాట్‌ లగా దేంగే’ అంటూ సినిమా మీద వీర హైప్‌ తీసుకొచ్చిన హీరో విజయ్ దేవరకొండ ఇప్పుడు నిర్మాతలను షేక్‌ చేయడానికి సిద్ధమవుతున్నాడని ఓ టాక్‌ వినిపిస్తోంది. ఆ సినిమాకు సంబంధించి ఇప్పటివరకు విజయ్‌కి పూర్తి రెమ్యూనరేషన్‌ రాలేదట. దీంతో ఈ విషయంలో కాస్త సీరియస్‌గా అప్రోచ్‌ అవ్వాలని అనుకుంటున్నాడట. అంటే ఏం లేదు.. డబ్బులు ఇస్తారా ఇవ్వరా, నా ప్రయత్నాలు నన్ను చేయమంటారా అని అడుగుదాం అనుకుంటున్నాడని వార్తలొస్తున్నాయి. అయితే దీనిపై ఆయన స్పెషల్‌ పీఆర్‌వో టీమ్ స్పందించాల్సి ఉంది.
‘లైగర్‌’ సినిమా రిలీజ్ త‌ర‌వాత పారితోషికం ఇస్తామ‌ని పూరి జగన్నాథ్‌, ఛార్మి.. విజయ్‌కి చెప్పారట. ఇప్పుడు వారికి విజయ్ ఫోన్లు చేస్తుంటే స్పందించ‌డం లేదని ఓ టాక్‌ బయటకు వచ్చింది. సినిమా పారితోషికం కోసం ఫిల్మ్ ఛాంబ‌ర్‌నీ, సినీ పెద్ద‌ల‌నీ ఆశ్రయించాలని విజయ్ దేవరకొండ నిర్ణయం తీసుకున్నాడని అంటున్నారు. మరోవైపు హైదరాబాద్‌ వస్తే బయ్యర్ల నుండి ప్రశ్నల వర్షం కురుస్తుందని పూరి జగన్నాథ్‌ ముంబయిలోనే ఉండిపోయారనే టాక్‌ నడుస్తోంది. ఈ సమయంలో విజయ్ కూడా తన పారితోషికం కోసం పట్టుపడితే కష్టమే.
ఇక ఈ విషయం ఇలా ఉంటే.. ‘ఆచార్య’ సినిమా పోయినందుకు తన వంతు బాధ్యతగా చిరంజీవి, రామ్‌చరణ్‌ తన రెమ్యూనరేషన్‌ను వదులుకున్నారు. ఆ సమయంలో చాలామంది ఇదే మాట అడిగారు కూడా. మరి ఇప్పుడు విజయ్ కూడా అదే పని చేస్తాడా. లేక చిరంజీవి కుటుంబానికి ఆ రోజుల్లో సుద్దులు చెప్పిన వాళ్లు ఇప్పుడు విజయ్ దేవరకొండకి కూడా చెబుతారా అనే చర్చ కూడా నడుస్తోంది.
Most Recommended Video
‘పుష్ప 2’ తో పాటు 2023 లో రాబోతున్న సీక్వెల్స్!
చిరు టు వైష్ణవ్.. ఓ హిట్టు కోసం ఎదురుచూస్తున్న టాలీవుడ్ హీరోల లిస్ట్..!
రూ.200 కోట్లు టు రూ.500 కోట్ల బడ్జెట్ తో రూపొందిన ఇండియన్ సినిమాల లిస్ట్..!
Home