బాలీవుడ్ ఆఫర్ కు మిడిల్ ఫింగర్ చూపించిన విజయ్..!

2018 లో ‘గీత గోవిందం’ ‘టాక్సీవాలా’ వంటి బ్లాక్ బస్టర్ హిట్లిచ్చాడు సెన్సేషనల్ స్టార్ విజయ్ దేవరకొండ. అంతేకాదు స్టార్ హీరోల లిస్ట్ లో చోటు దక్కించుకున్నాడు విజయ్. ప్రస్తుతం విజయ్ దేవరకొండకి తెలుగుతో పాటు తమిళ, హిందీ భాషల్లో కూడా మంచి క్రేజ్ ఏర్పండిందనే చెప్పాలి. ఇప్పటికే ‘నోటా’ చిత్రంతో కోలీవుడ్ లోకి ఎంట్రీ ఇచ్చిన సంగతి తెలిసిందే. ఇక ఈ యంగ్ హీరో బాలీవుడ్ లోకి ఎంట్రీ ఇవ్వబోతున్నాడని గత కొంత కాలంగా వార్తలు వస్తోన్న సంగతి తెలిసిందే.

ప్రస్తుతం బాలీవుడ్ లో రణవీర్ సింగ్ ప్రధాన పాత్రలో ’83’ అనే చిత్రం రూపొందుతుంది. 1983 ప్రపంచ కప్ నేపధ్యలో సాగే కథాంశంతో ఈ చిత్రం తెరకెక్కబోతుందట. ఇక ఈ చిత్రంలో మాజీ క్రికెటర్ కృష్ణమాచారి శ్రీకాంత్ పాత్ర కొరకు విజయ్ దేవరకొండను సంప్రదించారట. అయితే ఆ ఆఫర్ ను విజయ్ సున్నితంగా తిరస్కరించినట్టు తెలుస్తుంది. నిజానికి బాలీవుడ్ ఎంట్రీ ఇవ్వాలని విజయ్ ఎప్పట్నుంచో అనుకుంటున్నాడట. ఇలాంటి టైములో చిన్న పాత్రతో ఇలా ఎంట్రీ ఇవ్వడం ఇష్టం లేక ఈ ఆఫర్ ను విజయ్ తిరస్కరించినట్టు తెలుస్తోంది. అయితే మరోవైపు ధర్మ ప్రొడక్షన్స్ అధినేత కరణ్ జొహార్ విజయ్ తో ఓ చిత్రం చేయడానికి చర్చలు జరుపుతున్నట్టు సమాచారం. ఇది ఓకే అయితే.. ఈ కాంబినేషన్లో ఓ భారీ ప్రాజెక్ట్ సెట్ అయ్యే అవకాశం ఉందనడంలో సందేహం లేదు.