క్రాంతి మాధవ్ సినిమాలో కథానాయికగా ఐశ్వర్య రాజేష్

“నోటా” పరాజయం తర్వాత తాను చేసిన తప్పులు తెలుసుకొని ఆత్మవిశ్వాసంగా ముందుకు సాగుతున్న విజయ్ దేవరకొండ.. తన తదుపరి చిత్రంగా “మళ్ళీ మళ్ళీ ఇది రాని రోజు” ఫేమ్ క్రాంతిమాధవ్ దర్శకత్వంలో ఒక చిత్రాన్ని అంగీకరించాడు. కె.ఎస్.రామారావు నిర్మించనున్న ఈ చిత్రం రెగ్యులర్ షూటింగ్ మరో రెండు నెలల్లో మొదలవ్వనుంది. ఈలోపు “డియర్ కామ్రేడ్” షూటింగ్ పూర్తి చేయనున్నాడు విజయ్. అయితే.. క్రాంతిమాధవ్ దర్శకత్వంలో తెరకెక్కబోయే చిత్రంలో ఆల్రెడీ రాశీఖన్నా ఒక హీరోయిన్ గా నటించనుండగా.. ఇప్పుడు మరో నాయికగా తమిళంలో ప్రస్తుతం మోస్ట్ బిజీయస్ట్ హీరోయిన్ అయిన ఐశ్వర్య రాజేష్ ను ఎంపిక చేశారట.

గ్లామరస్ హీరోయిన్ రోల్ కాక పెర్ఫార్మెన్స్ ఓరియెంటెడ్ రోల్ కావడంతో ఐశ్వర్య రాజేష్ ను తీసుకొన్నారట. ఈ చిత్రాన్ని కూడా “నోటా” తరహాలో ఏకకాలంలో కాక ఇక్కడ విడుదలైన తర్వాత తమిళంలోనూ విడుదల చేసే ఆలోచన ఉందని తెలుస్తోంది. స్వచ్చమైన ప్రేమకథగా తెరకెక్కనున్న ఈ చిత్రంలో విజయ్ దేవరకొండ చాలా డిఫరెంట్ రోల్ ప్లే చేయనున్నాడట. “నోటా” కారణంగా వచ్చిన ఫ్లాప్ కి వరుసగా రెండింతల పెద్ద హిట్స్ సొంతం చేసుకోవాలనే కసితో పని చేస్తున్నాడట విజయ్ దేవరకొండ. మరి మనోడి కస్థానికీ తగ్గ ఫలితం లభిస్తుందో లేదో చూడాలి.