పెళ్లి చూపులు… అర్జున్ రెడ్డి.. గీత గోవిందం సినిమాలతో విజయ్ దేవరకొండ ఫుల్ క్రేజ్ సొంతం చేసుకున్నారు. రీసెంట్ గా “నోట” అనే ద్వి భాష చిత్రం చేశారు. ఇది కొంత నిరాశపరిచినప్పటికీ కెరీర్ పై ఎటువంటి ప్రభావం చూపించలేదు. ప్రస్తుతం అతను కంప్లీట్ చేసిన ట్యాక్సీ వాలా పోస్ట్ ప్రొడక్షన్ వర్క్ జరుపుకుంటుండగా.. భరత్ కమ్మ డైరెక్షన్లో చేస్తున్న “డియర్ కామ్రేడ్” షూటింగ్ దశలో ఉంది. ఇవే కాకుండా మరో కొత్త ప్రాజక్ట్ కి గ్రీన్ సిగ్నల్ ఇచ్చినట్లు తెలిసింది. క్రాంతి మాధవ్ (ఓనమాలు ఫేమ్) దర్శకత్వంలో నటించడానికి ఓకే చెప్పినట్లు సమాచారం.
ప్రముఖ నిర్మాత కె ఎస్ రామారావు నిర్మిస్తున్న ఈ సినిమాలో ముగ్గురు హీరోయిన్స్ ఉంటారని ఫిలిం నగర్ వాసులు చెప్పారు. ఢిల్లీ భామ రాశి ఖన్నా, తమిళ బ్యూటీ ఐశ్వర్య రాజేష్, ముంబయి బ్యూటీ ఇజబెల్లె లు స్క్రీన్ షేర్ చేసుకోనున్నట్లు చిత్ర బృందం వెల్లడించింది. ఇప్పటివరకు విజయ్ ఒక హీరోయిన్ తోనే నటిస్తూ వచ్చారు. తొలిసారి ముగ్గురి భామలతో రొమాన్స్ చేయనున్నారు. దీంతో ఈ సినిమాపై ఆసక్తి మొదలయింది. గోపి సుందర్ సంగీతమందిస్తున్న ఈ మూవీ త్వరలోనే సెట్స్ మీదకు వెళ్లనుంది.
