ఆ దర్శకుల చేతిలోనే విజయ్ దేవరకొండ కెరీర్ ఉంది

మెరుపులా దూసుకొచ్చి.. ఆ తర్వాత మాయమైన వారు తెలుగు చిత్ర పరిశ్రమలో చాలామంది ఉన్నారు. ఉదయ్ కిరణ్, రాజ్ తరుణ్ కూడా మొదట్లో వరుసగా విజయాలు అందుకున్నారు. ఆ తర్వాత రాంగ్ స్టెప్స్ వేయడం ద్వారా వెనక్కి తగ్గారు. ఇప్పుడు రెండు హిట్లతో విజయ్ దేవరకొండ ఫుల్ ఫామ్లో ఉన్నారు. మంచి ఆఫర్లు అందుకుంటున్నారు. భరత్ కమ్మ  దర్శకత్వంలో ఒక అందమైన ప్రేమ కథ సినిమాకి సైన్ చేయగా, దీని తర్వాత పరుశురామ్ దర్శకత్వంలో మరో సినిమాకు ఓకే చెప్పారు. ఫుల్ జోష్ లో ఉన్న విజయ్ కమర్షియల్ హీరోగా నిలదొక్కుకోవాలంటే కొన్ని జాగ్రత్తలు పాటించాలని సినీ విశ్లేషకులు సూచిస్తున్నారు. చాలా ప్లాన్ తో అడుగులు వెయ్యాలని చెబుతున్నారు.

తన నటనతో త్రివిక్రమ్ శ్రీనివాస్, కొరటాల శివ, బోయపాటి శ్రీను, సుకుమార్ వంటి టాప్ డైరెక్టర్స్ దృష్టిని ఆకర్షించాలని, ఆ లక్ష్యంతో సినిమాలు చేయాలనీ భావిస్తున్నారు. ఆ స్టార్ డైరక్టర్స్ తో ఒక సినిమా చేస్తే చాలు విజయ్ దేవరకొండ కెరీర్ స్థాయి మారిపోతుందని చెబుతున్నారు. మరి ఈ సలహాలను విజయ్ ఎంతమాత్రం పాటిస్తాడో చూడాలి.

Also, do SUBSCRIBE to our YouTube channel to get latest Tollywood updates.