ఫైటర్ కోసం హాలీవుడ్ బాక్సర్ ను తీసుకోస్తున్న పూరీ

విజయ్ దేవరకొండ తాజా చిత్రం ఫైటర్ ను పాన్ ఇండియన్ ఫిలిమ్ గా తీర్చిదిద్దేందుకు దర్శకుడు పూరీ జగన్నాధ్ తన శక్తులన్నీ కేంద్రీకరిస్తున్నాడు. ఆల్రెడీ “ఫైటర్”ను తెలుగుతోపాటు బాలీవుడ్ లోనూ విడుదల చేసేందుకు కరణ్ జోహార్ తో సంప్రదింపులు సక్సెస్ ఫుల్ గా జరుపుతుండగా.. ఇప్పుడు ఈ చిత్రాన్ని హాలీవుడ్ స్థాయికి తీసుకెళ్ళేందుకు ప్రయత్నిస్తున్నాడు పూరీ. బాక్సింగ్ కు గుడ్ బై చెప్పి ప్రస్తుతం హాలీవుడ్ సినిమాల్లో విలన్ గా నటిస్తూ బిజీగా ఉన్న మైక్ టైసన్ ను “ఫైటర్”లో ఓ కీలకపాత్ర కోసం సెలక్ట్ చేసుకున్నాడు పూరీ. మైక్ టైసన్ కూడా ఆసక్తి చూపుతుండడంతో.. త్వరలోనే తెరపై విజయ్ దేవరకొండతో మైక్ టైసన్ పోటీపడి బాక్సింగ్ చేసే సన్నివేశాలు చూడబోతున్నామని ఫిక్స్ అయిపోవచ్చన్నమాట.

ఇకపోతే.. ప్రస్తుతం “వరల్డ్ ఫేమస్ లవర్” చివరి షెడ్యూల్లో ఉన్న విజయ్ దేవరకొండ.. జనవరి నుంచి “ఫైటర్” సెట్స్ లో జాయిన్ అవ్వబోతున్నారు. ఈ చిత్రంలో జాన్వి కపూర్ కథానాయికగా నటించనుండగా.. రమ్యకృష్ణ తల్లి పాత్ర పోషించనుంది. ముంబైలో చిత్రీకరణ మొదలుపెట్టేందుకు బృందం సన్నాహాలు చేస్తోంది.

రూలర్ సినిమా రివ్యూ & రేటింగ్!
ప్రతిరోజూ పండగే సినిమా రివ్యూ & రేటింగ్!