ట్రెండీ బిజినెస్ లో ఎంటర్ అవుతున్న విజయ్ దేవరకొండ..!

తన క్రేజ్ ని అన్నివిధాలుగా వాడేస్తున్నాడు విజయ్ దేవరకొండ. రౌడీ బ్రాండ్ పేరుతో బట్టల వ్యాపారం చేస్తున్న ఆయన చిత్ర నిర్మాతగా కూడా మారాడు. తన స్నేహితుడు మరియు దర్శకుడు తరుణ్ భాస్కర్ తో మీకు మాత్రమే చెప్పా అనే ఓ లో బడ్జెట్ మూవీ చేసి, బాగానే సొమ్ము చేసికున్నాడు. ఆ మధ్య థియేటర్స్ బిజినెస్ లో కూడా ఎంటర్ అయ్యాడని వార్తలు వచ్చాయి. ఐతే తాజా సమాచారం ప్రకారం వెబ్ సిరీస్ ల నిర్మాణం వైపు ఆయన అడుగులు పడుతున్నాయట.

ఇప్పటికే ‘ఆహా’ అనే ఓటీటీకి బ్రాండ్ అంబాసిడ‌ర్‌గా ఉన్న విజ‌య్ ఆహాకి సంబంధించిన కొన్ని వెబ్ సిరీస్‌లలో పాలుపంచుకోబోతున్నాడని వినికిడి. విజ‌య్ నిర్మాణ సంస్థ అయిన కింగ్‌ ఆప్ ది హిల్స్ త‌ర‌పున ఒక‌ట్రెండు వెబ్ సిరీస్‌లు ప్ర‌స్తుతం ప్లానింగులో ఉన్నాయట. అందులో ఓ ప్రాజెక్టుని కేవీఆర్ మ‌హేంద్ర‌కి అప్ప‌జెప్పే అవ‌కాశాలున్నాయి. దర్శకుడు మ‌హేంద్ర గత ఏడాది విజ‌య్ త‌మ్ముడు ఆనంద్ ని హీరోగా పరిచయం చేస్తూ, దొర‌సాని సినిమా తెర‌కెక్కించారు.

త్వ‌ర‌లోనే దీనికి సంబంధించి పూర్తి క్లారిటీ రానుంది. ఇక ప్రస్తుతం విజయ్ దేవరకొండ పూరి జగన్నాద్ దర్శకత్వంలో ఓ పాన్ ఇండియా చిత్రంలో నటిస్తున్నారు. మార్షల్ ఆర్ట్స్ బేస్డ్ మూవీగా రానున్న ఈ చిత్రంలో విజయ్ దేవరకొండ ప్రొఫెషనల్ ఫైటర్ గా నటిస్తున్నారు. అనన్య పాండే హీరోయిన్ గా నటిస్తుండగా, పూరి కనెక్ట్స్, ధర్మ ప్రొడక్షన్స్ సంయుక్తంగా నిర్మిస్తున్నాయి.

Most Recommended Video

దిల్ రాజు రెండో పెళ్ళి చేసుకున్న అమ్మాయి ఎవరో తెలుసా?
ఈ ఏడు రీజన్స్ తెలిస్తే ఆర్ ఆర్ ఆర్ ని వదిలిపెట్టరు
అతి తక్కువ వయసులో లోకం విడిచిన తారలు