విజయ్ దేవరకొండ నిర్మాణంలో.. హీరోగా పరిచయమవ్వనున్న క్రేజీ డైరెక్టర్..!

‘పెళ్ళి చూపులు’ ‘అర్జున్ రెడ్డి’ ‘గీత గోవిందం’ చిత్రాలతో స్టార్ హీరోగా ఎదిగాడు సెన్సేషనల్ స్టార్ విజయ్ దేవరకొండ. ఇటీవల విడుదలైన ‘టాక్సీవాలా’ చిత్రంతో కూడా హిట్టందుకుని మంచి ఫామ్లో ఉన్నాడు. ఇక విజయ్ దేవరకొండ ప్రస్తుతం ‘డియర్ కామ్రేడ్’ చిత్రంతో బిజీగా ఉన్న సంగతి తెలిసిందే. అందరి హీరోల మాదిరి ఒకే రీతిలో ఉండకుండా తనకంటూ ఓ ప్రత్యేకత ఉండేలా చూసుకుంటాడు. ఒక పక్క హీరోగా రాణిస్తూనే… నిర్మాతగా కూడా మారడానికి ప్రయత్నాలు మొదలు పెట్టాడట విజయ్.

తాజా సమాచారం ప్రకారం విజయ్ తను ప్రత్యేకంగా సొంత నిర్మాణ సంస్థను ఏర్పాటు చేసుకోవడాలనుకుంటున్నాడట. వీటికి సంబంధించిన పనులు కూడా చకచకా జరిగిపోతున్నట్టు తెలుస్తోంది.ఇక ఈ బ్యానర్లో మొదటి చిత్రం తీయాలకుంటున్నది… ఎవరితోనో తెలుసా? తన ‘పెళ్ళి చూపులు’ డైరెక్టర్ తరుణ్ భాస్కర్ తోనే…! అయితే తరుణ్ భాస్కర్ ని దర్శకుడిగా కాదు.. హీరోగా పరిచయం చేయబోతున్నాడట విజయ్. ఇది నిజంగా ఆశ్చర్యాన్ని కలిగించే విషయమే. విజయ్ కి ‘పెళ్ళి చూపులు’ వంటి సూపర్ హిట్ ఇచ్చిన.. తరుణ్ భాస్కర్ తో హీరోగా ఓ చిత్రాన్ని నిర్మించి తన రుణం తీర్చుకోవాలని భావిస్తున్నాడట విజయ్. అప్పుడే ఈ ప్రాజెక్టుకి సంబంధించిన ప్రీ ప్రొడక్షన్ పనులు కూడా మొదలైపోయినట్టు టాక్ వినిపిస్తోంది. త్వరలోనే ఈ చిత్రానికి సంబందించిన అధికార ప్రకటన ఇవ్వనున్నారని తెలుస్తోంది. మరి ఈ వార్తలో నిజమెంతుందో తెలియాల్సి ఉంది.