దేవరకొండ బదులు సూపర్ హిట్ అందుకున్న బెల్లంకొండ

ఒక్కోసారి ఊహించావిని జరగడమే జీవితం అన్నట్లు.. “డియర్ కామ్రేడ్”తో విజయ్ దేవరకొండ బ్లాక్ బస్టర్ హిట్ కొడతాడు అని అందరూ అనుకొంటుంటే.. మనోడు ఊహించని స్థాయిలో ఫ్లాప్ ను చవిచూడడం.. అసలు ఎవరూ ఊహించని విధంగా బెల్లంకొండ శ్రీనివాస్ “రాక్షసుడు” చిత్రంతో సూపర్ హిట్ కొట్టడం అందర్నీ ఆశ్చర్యచకితుల్ని చేస్తోంది. నిజానికి బెల్లంకొండ “రాక్షసుడు” సినిమా మీద ఎవరికీ పెద్దగా అంచనాలు లేవు. అందులోనూ తమిళ రీమేక్ అవ్వడంతో పెద్దగా ఆడదు అనుకొన్నారు కానీ అంచనాలను తలక్రిందులు చేస్తూ “రాక్షసుడు” ప్రేక్షకుల్ని విశేషంగా అలరిస్తోంది. ఇవాల్టి నుండి థియేటర్లు పెంచడం బెల్లంకొండ కెరీర్ లో బిగ్గెస్ట్ అచీవ్ మెంట్ గా పేర్కొనవచ్చు.

దాంతో.. దేవరకొండ హిట్ కొడతాడు అనుకొంటే.. బెల్లంకొండ హిట్ కొట్టాడుగా అని సోషల్ మీడియా సరదా పోస్టులు దర్శనమివ్వడం మొదలైంది. బెల్లంకొండ వర్సెస్ దేవరకొండ అని కంపేరిజన్స్ కూడా మొదలెట్టారనుకోండి. ఏదేమైనా.. గత అయిదేళ్లుగా సరైన హిట్ లేక బాధపడుతున్న బెల్లంకొండకు “రాక్షసుడు” సినిమాతో మంచి హిట్ దొరకడం అనేది ఆనందించదగిన విషయం. దేవరకొండ ఫ్యాన్స్ మాత్రం విజయ్ నెక్స్ట్ సినిమా కోసం ఎదురుచూస్తున్నారు.